“Барселона” Хулиан Алвареснинг ўрнига муносиб номзод топди
“Барселона” Хулиан Алваресга муқобил вариант топди
“Барселона” спорт директори Деку ўтган ҳафта Милан шаҳрида “Интер” ҳужумчиси Лаутаро Мартинеснинг агенти билан учрашди. Журналист Жерар Ромеронинг маълумотларига кўра, ушбу учрашувда аргентиналик футболчининг Каталония клубига ўтиш имкониятлари муҳокама қилинган.
Агар Хулиан Алвареснинг “Атлетико”дан трансфери амалга ошмай қолса, “Барселона” Мартинесни асосий номзодлардан бири сифатида кўриб чиқади. Каталонияликлар “Интер” билан музокараларни бошлашга тайёр эканликлари айтилмоқда. Мартинеснинг номи аввал ҳам бир неча бор “Барселона” билан боғланган эди, аммо жамоанинг ҳозирги марказий ҳужумчига бўлган эҳтиёжи бу трансфернинг амалга ошиш эҳтимолини оширади.
Қайд этиш жоизки, 28 ёшли ҳужумчи ўтган мавсумда барча мусобақаларда жами 41 та ўйинда майдонга тушиб, 22 та гол урган ва 6 та голли узатмага муаллифлик қилган. Лаутаронинг Милан клуби билан амалдаги шартномаси 2029-йилнинг ёзигача мўлжалланган. Трансфермаркт порталига кўра, аргентиналик футболчининг ҳозирги бозор қиймати 85 миллион еврони ташкил этади.