“Барселона” Бундеслигадан ҳимоячи сотиб олишга тайёрланмоқда — Sport.es
"Барселона" Бундеслигадан ҳимоячи сотиб олишга тайёрланмоқда — Sport.es
"Барселона" ёзги трансфер ойнасида қанот ҳимоячиси Алекс Балде жамоани тарк этган тақдирда, унинг ўрнини тўлдириш учун "Лейпсиг" марказий ҳимоячиси Кастелло Люкебани асосий номзодлардан бири сифатида кўриб чиқмоқда. 23 ёшли футболчининг шартномасида 80 миллион евро миқдоридаги товон пули белгиланган бўлса-да, "буқалар" 45–50 миллион евролик таклифларни ҳам кўриб чиқишга тайёр эканлиги ма'лум қилинди.
Ўтган мавсумда Люкеба барча мусобақаларда 29 та учрашувда майдонга тушиб, 1 та гол урди ва 1 та голли узатмага муаллифлик қилди. Футболчининг клуб билан амалдаги шартномаси 2029-йилнинг ёзигача мўлжалланган.
Трансфермаркт маълумотларига кўра, Люкебанинг бозор қиймати 50 миллион еврони ташкил этади.
Аввалроқ жамоани тарк этиши кутилаётган номзодлар рўйхатидан Френки де Ёнг, Марк Касадо, Эктор Форт, Алехандро Балде ҳамда Жюл Кунде жой олгани хабар қилинган эди.
Маълум қилинишича, "Манчестер Юнайтед" Алехандро Балдени ўз сафига қўшиб олмоқчи ва манкунианликлар футболчининг вакиллари билан дастлабки музокараларни ўтказган.