“Барселона” 5 нафар футболчисини сотувга қўйди — ОАВ

“Барселона” беш футболчисини сотишга тайёрланмоқда – ОАВ

Каталониянинг “Барселона” футбол клуби ёзги трансфер ойнаси якунига қадар беш нафар футболчиси билан хайрлашиш имкониятларини кўриб чиқмоқда. Бу ҳақда Vesti.kz журналист Хосе Алваресга таяниб хабар берди.

Жамоани тарк этиши кутилаётган футболчилар рўйхатида Френки де Ёнг, Марк Касадо, Эктор Форт, Алехандро Балде ва Жюл Кунде бор. Маълум қилинишича, бу футболчиларнинг барчасига бошқа клублардан таклифлар мавжуд.

Хусусан, нидерландиялик яримҳимоячи Френки де Ёнгга “Манчестер Сити” қизиқиш билдирган эди, аммо унинг жароҳати инглиз клубининг режаларини ўзгартириб юборди. Марк Касадонинг Саудия Арабистонига ўтиш эҳтимоли бор, ҳимоячи Эктор Фортга эса Испаниянинг “Реал Соседад” ва Германиянинг Дортмунд “Боруссия” клублари даъвогарлик қилмоқда. Шунингдек, “Манчестер Юнайтед” Алехандро Балдени ўз сафига қўшиб олмоқчи ва манкунианликлар футболчининг вакиллари билан дастлабки музокараларни ўтказган. Франсиялик ҳимоячи Жюл Кундега эса Англия Премьер Лигасининг бир қатор жамоаларидан харидорлар бор. Эҳтимолий трансферлар бўйича якуний қарорни клуб спорт директори Деку қабул қилади.

Маълумот учун, Ханси-Дитер Флик бощилигидаги “Барселона” Испания Ла Лигасининг янги мавсумини муваффақиятли бошлади. Каталонияликлар сафарда “Элче”ни 5:0 ҳисобида йирик ғалаба билан мағлуб этди.