Банкларга кредит бўйича қарзларни ундиришда қарздорларнинг карталарида МҲЭКМнинг 50 фоизини қолдириш мажбурияти юкланди
Ўзбекистонда январдан бошлаб банкларга кредитларни сўндириш учун қарздорларнинг карталаридан барча пулларни ушиб қолиш тақиқланади. Марказий банк томонидан тасдиқланган қоидага кўра, карталарда меҳнатга ҳақ тўлашнинг энг кам миқдорининг камида 50 фоизи (ҳозирда бу 680 минг сўм) қолиши керак.
Банкларга кредит қарздорлигини ундиришда қарздорлар карталарида МҲЭКМнинг 50 фоизини қолдириш мажбурияти юкланди
Ўзбекистон Марказий банки тижорат банклари учун кредит қарздорлигини узишда қарздорларнинг банк карталаридан маблағларни автоматик равишда ҳисобдан чиқаришга чеклов киритди.
Ўзгартиришларга кўра, агар банк мижознинг карта ҳисобварақларидан пул маблағларини безакцепт тартибда — кредит шартномаси ёки кафиллик шартномаси асосида унинг томонидан алоҳида топшириқсиз ҳисобдан чиқарса, карталарда меҳнатга ҳақ тўлашнинг энг кам миқдори (МҲЭКМ)нинг 0,5 баравари миқдорида камаймайдиган қолдиқ сақланиши керак. Ҳозирда бу 680 минг сўмни ташкил этади.
Тузтишлар ҳужжат эълон қилинганидан кейин уч ой ўтиб — 2027 йил 10 январдан кучга киради.
Апрель ойида Uzcard тўлов тизими банк карталаридан безакцепт ҳисобдан чиқаришда БҲМнинг 3 баравари (1,32 млн сўм) миқдорида энг кам камаймайдиган қолдиқ жорий этилиши ҳақида хабар берган эди.
Аввалроқ Ўзбекистон Марказий банки аҳолининг қарз юки ортиб бораётгани ва энг аввало қарздорларнинг кредитларга хизмат кўрсатиш қобилиятидан хавотир билдирган эди. 2025 йилда аҳоли қарз мажбуриятларининг 93 фоизи банк кредитларига тўғри келган.