Бабй Шарк видеоклипидаги болакай К-поп хонандаси сифатида саҳнага қайтди

Бабй Шарк клипидаги болакай К-поп хонандаси сифатида саҳнага қайтди.

ЁуТубе тарихидаги энг кўп кўрилган видео – Бабй Шарк Дансе ролигининг бош қаҳрамони, машҳурликка эришганидан ўн йил ўтиб, К-поп йўналишидаги илк рақамли синглини тақдим этди.

Мазкур видеода етти ёшида суратга тушган Пак Гонрун ўзининг яккахон дебюти учун “Бабй Шарк Бой” тахаллусини танлаган. Унга Бабй Шарк лойиҳасининг муаллифлик ҳуқуқига эга бўлган Пинкфонг Сомпанй компанияси продюсерлик қилмоқда.

“Бабй Шарк Дансе бутун дунёдаги одамларга қувонч бағишлади. Орадан 10 йил ўтган бўлса-да, ҳанузгача кўпчилик мени эслашидан жуда миннатдорман. Айнан шу омил мени саҳнага қайтишга ва мусиқа орқали одамлар билан қайта боғланишга ундади”, дейди хонанда.

Акулалар оиласи ҳақидаги оммабоп қўшиқ 2016-йилда тақдим этилган бўлиб, видеодаги таронани 10 ёшда бўлган корейс-америкалик хонанда Ҳоуп Сегойн ижро этган. Шундан буён клип ЁуТубе платформасида 17,2 миллиард марта кўрилган. Қўшиқ Оқ уйда ҳам ижро этилган, шунингдек, АҚШ президенти Доналд Трамп, Тесла раҳбари Илон Маск ҳамда бошқа кўплаб машҳурлар томонидан юқори баҳоланган. Шунингдек, у глобал миқёсда оммавий хитга ва рақс трендига айланган эди.

Ўтган йиллар давомида Геон Рунг Пинкфонг компаниясининг бошқа шоуларида ҳам иштирок этиб келган. Унинг таъкидлашича, “Ваве” деб номланган янги сингл барчага таниш Бабй Шарк мусиқаси билан бошланади ва кейинчалик электропоп йўналишига ўтади. Қўшиқ матнини ёзишда ижрочининг ўзи ҳам иштирок этган.

Геон Рунг ушбу лойиҳани узоқ муддатли мусиқий фаолиятининг бошланиши деб ҳисоблайди:

“ъВавеъ мен учун бир марталик лойиҳа эмас, балки янги бир бошланишдир. Келгусида нафақат мусиқа, балки бошқа турдаги контентлар орқали ҳам ўзимнинг турли қирраларимни намойиш этишга умид қиламан”, — дея қўшимча қилди у.