Сиёсат
БАА Эрон билан савдо ва молиявий операцияларни тўхтатди
Бирлашган Араб Амирликлари Эрон билан савдо алмашинуви, молиявий операциялар ва барча турдаги фаолиятни кейинги хабарга қадар тўхтатди.
БАА Эрон билан савдо ва молиявий алоқаларни тўхтатди
Бирлашган Араб Амирликлари Эрон билан барча турдаги фаолият, савдо-сотиқ ва молиявий операцияларни номаълум муддатга тўхтатди. Бу ҳақда БАА Ташқи ишлар вазирлиги Стратегик коммуникациялар департаменти директори Афра ал-Ҳамли хабар берди.
Унинг ёзма баёнотида шундай дейилган: «Эрон билан барча турдаги фаолият, савдо алмашинуви ва молиявий операциялар кейинги хабарга қадар тўхтатилди».
Аввалроқ БАА ҳукумати Эрон томонидан амирликлар порт инфратузилмасига ракета ҳужуми уюштирилганини маълум қилган эди. Уларнинг хабарига кўра, ҳужум ўз нишонига етмаган.