Археологлар Мисрда бошининг ўзи 1,6 метр келадиган фиръавн ҳайкалини аниқлади
Мисрнинг Ғарбия вилоятида Рамсес ИИ тасвирланган бўлиши мумкин бўлган иккита улкан ҳайкал парчалари топилди. Улардан бирининг бош қисми баландлиги қарийб 1,6 метр бўлиб, ҳайкалнинг дастлабки умумий баландлиги таглиги билан бирга 8,5 метрга етгани тахмин қилинмоқда.
Археологлар Мисрда бош қисми 1,6 метрга тенг фиръавн ҳайкалини топди
Накед Ссиенсе нашри Ҳеритаге Даилйъга таяниб хабар беришича, топилмалар Беҳбет-эл-Ҳажар аҳоли пунктида Миср Қадимий ёдгорликлар бўйича олий кенгаши экспедицияси томонидан аниқланган.
Қазиш ишлари маҳаллий аҳолининг бири уйига яқин ҳудудда ерга ишлов бераётганда ёзув туширилган тош парчасини топиб олганидан сўнг бошланган. У бу ҳақда ёдгорликларни муҳофаза қилиш инспексиясига маълум қилган.
Бошланғич текширув тошнинг археологик аҳамиятга эга эканини тасдиқлаган. Шундан кейин ҳудудга махсус комиссия ва қазиш гуруҳи юборилган.
Археологлар иккита улкан фиръавн ҳайкалининг қисмларини ҳамда Рамсес ИИ билан боғлиқ иероглифлар битилган пушти гранит бўлагини топган.
Олий кенгаш бош котиби Ҳишам эл-Лейтийнинг айтишича, биринчи ҳайкал бошида «пшент» деб аталадиган қўш тож тасвирланган. У Юқори Мисрнинг оқ ва Қуйи Мисрнинг қизил тожларини бирлаштириб, икки ҳудуднинг фиръавн ҳокимияти остидаги бирлигини ифодалаган.
Ҳайкалнинг орқа таянч устунининг бир қисми ҳам сақланиб қолган. Унда фиръавннинг расмий унвонлари таркибига кирган Гор номи - «Хор-ка-нахт-мери-маат» ёзуви бор. Бундай ном ҳукмдорнинг Гор худоси билан боғлиқлиги ва тахтга қонуний ҳуқуқини таъкидлаган.
Иккинчи топилма — бошқа бир фиръавн ҳайкалининг қарийб 2,4 метр баландликдаги сақланиб қолган қисми. Археологлар бу ҳайкал ҳам Рамсес ИИ ни тасвирлаши мумкин, деб ҳисобламоқда.
Унинг оёқлари ва таглиги йўқ, бироқ юқори қисмида фиръавнларга хос йўл-йўл «немес» бош кийими акс этган. Бош кийимнинг тепа қисми қисман йўқолган бўлса-да, ҳайкалнинг боши ва юз чизгилари анча яхши сақланган.
Буюк Рамсес номи билан ҳам танилган Рамсес ИИ Янги подшолик даврида Мисрнинг ХИХ сулоласига мансуб учинчи фиръавн бўлган. У тахминан милоддан аввалги 1279–1213-йилларда ҳукмронлик қилган. Олти ўн йилликдан ортиқ давом этган ҳукмронлиги йирик қурилишлар, ҳарбий юришлар ҳамда Миср ва Нубияда маҳобатли ибодатхоналар ва ҳайкаллар бунёд этилиши билан ажралиб туради.