“Арсенал”нинг бразилиялик футболчиси “Ал-Ҳилол”га ўтишга рози бўлди — Романо

“Арсенал”нинг бразилиялик футболчиси “Ал-Ҳилол”га ўтишга рози бўлди — Романо

Лондоннинг “Арсенал” клуби вингери Габриел Мартинелли фаолиятини Саудия Арабистонининг “Ал-Ҳилол” клубида давом эттиришга қарор қилди. Бу ҳақда инсайдер Фабрицио Романо хабар берди.

Манбага кўра, 25 ёшли футболчи “Ал-Ҳилол”га 65 миллион евро эвазига трансфер бўлишга розилик билдирган. Мартинелли яқин вақт ичида тиббий кўрикдан ўтиш учун Саудия Арабистонига йўл олади.

Аввалроқ Мартинелли “Ал-Ҳилол” билан 2030-йилгача мўлжалланган шартнома имзолаши ва йилига 20 миллион евро маош олиши ҳақида хабарлар тарқалганди.

Футболчи 2019-йилдан буён “Арсенал” сафида тўп тепмоқда. У Лондон клуби таркибида 278 та учрашувда майдонга тушиб, 62 та гол урган ва 36 та голли узатмани амалга оширган. Бразилиялик футболчи “Арсенал” билан Англия чемпионати, Англия Кубоги ва Суперкубогида ғолиб чиққан.

Маълумот учун, Мартинеллининг “Арсенал” билан шартномаси 2027-йил ёзигача амал қилади. Трансфермаркт портали футболчининг бозор қийматини 45 миллион еврога баҳоламоқда.