“Арсенал”га қарши баҳсда Абдуқодир Ҳусановнинг ҳаракатлари қандай баҳоланди?

“Арсенал”га қарши ўйинда Абдуқодир Ҳусановнинг ўйини қандай баҳоланди?

Англия Суперкубоги доирасидаги баҳсда “Арсенал” ва “Манчестер Сити” жамоалари тўқнаш келишди. Лондонликлар 3:0 ҳисобида ишончли ғалаба қозонишди. Ушбу ўйинда Ўзбекистон терма жамоаси ҳимоячиси Абдуқодир Ҳусанов “шаҳарликлар”нинг асосий таркибида майдонга тушиб, тўлиқ 90 дақиқа ўйнади.

Ҳимоячи жами 63 та узатмадан 58 тасини аниқ амалга оширди (92 фоиз аниқлик). Софассоре портали Абдуқодирнинг ўйинини 6,9 балл билан баҳолади.

Абдуқодир Ҳусановнинг ҳимоядаги кўрсаткичлари:

Ҳимоявий ҳаракатлар: 9 та;

Ташланиб тўпни олиб қўйиш: 5 марта (3 таси муваффақиятли);

Рақиб ҳужумини бартараф этиш: 2 марта;

Тозалашлар: 1 марта;

Зарбага тўсқинлик қилиш: 1 марта;

Ердаги курашлар: 6 та (6 таси муваффақиятли);

Ҳаводаги курашлар: 3 та (3 таси муваффақиятли);

Тўпни қайтариб олиш: 4 марта.

“Арсенал” сафида фаол ҳаракат қилган ва жамоасининг ҳужумларини бошлаб берган Мартин Эдегор учрашувнинг энг яхши футболчиси деб топилди. Софассоре томонидан норвегиялик футболчининг ҳаракатлари 8,5 баллга лойиқ кўрилган бўлса, “Ман Сити” ҳужумчиси Эрлинг Ҳоланд 6,5 балл олди. Мезбонлар сафида фаол ҳаракатлари билан ажралиб турган Бен Уайт ҳам 8,3 балл билан юқори баҳоланди. “Шаҳарликлар” сафида энг юқори баҳо жамоа яримҳимоячиси Матео Ковачичга насиб этди — 7,0 балл.

Ушбу натижадан сўнг “Арсенал” янги мавсумни соврин билан бошлаб, Англия Суперкубоги соҳибига айланди.

Микел Артета шогирдлари ўтган мавсумда Премьер Лига чемпионлигини қўлга киритган эди.