«АРДА ХИВА» ва ФЛЯРЙСТАН: Ўзбекистон ҳамда Қозоғистон ҳамкорлигидаги туризм янги босқичда
«Келажак ўйинлари» халқаро мусобақасининг очилиш кунида «Арда Хива» туристик мажмуаси ҳамда Флярйстан авиакомпанияси икки мамлакат
«АРДА ХИВА» ва ФЛЯРЙСТАН: Ўзбекистон ва Қозоғистон туризм соҳасида янги босқичга чиқмоқда
«Келажак ўйинлари» халқаро мусобақасининг очилиш маросимида «Арда Хива» туристик мажмуаси ва Флярйстан авиакомпанияси икки давлат ўртасидаги ҳамкорликни мустаҳкамлаш йўлида муҳим қадам ташлади. Шу муносабат билан Олмаота шаҳрида Ўзбекистон ва Қозоғистон туроператорлари иштирокида янги Олмаота – Урганч – Олмаота халқаро авиақатновининг очилишига бағишланган учрашув бўлиб ўтди.
Учрашув давомида «Арда Хива» мажмуаси вакиллари иштирокчиларни Хоразм вилоятининг бой туристик салоҳияти ҳамда Флярйстан йўловчилари учун махсус ишлаб чиқилган туристик пакетлар билан таништирди. Флярйстан авиакомпанияси эса янги авиақатновнинг имкониятлари ҳақида маълумот берди. Ушбу туристик пакетлар меҳмонхонада жойлашиш ва экскурсия дастурларини ўз ичига олади.
Урганч шаҳри қадимий Хива шаҳридан атиги 30 километр масофада жойлашган бўлиб, унинг тарихий маркази — Ичан-Қалъа ЮНЕСКОнинг Бутунжаҳон мероси рўйхатига киритилган.
Томонлар, шунингдек, Қозоғистоннинг етакчи туроператорлари ва блогерлари учун 7–10 август кунлари танишув инфотурини ташкил этишга келишиб олди. Ушбу инфотур Хоразмда ўтказиладиган «Олтин қовун» фестивали доирасида ташкил этилади.
Инфотур дастуридан Хиванинг тарихий маркази — Ичан-Қалъага экскурсия, «Арда Хива» мажмуаси инфратузилмаси билан танишиш, фестивал тадбирларида иштирок этиш ҳамда минтақа туризм соҳаси вакиллари билан Б2Б учрашувлари ўрин олган. Иштирокчилар Хоразмнинг туристик имкониятларини шахсан баҳолаш ва қозоғистонлик сайёҳлар учун янги жозибадор туристик таклифларни шакллантириш имконига эга бўлади.
Эслатиб ўтамиз, жорий ой бошида «Арда Хива» ва Флярйстан ўртасида ҳамкорлик тўғрисида меморандум имзоланган эди. Олмаотада бўлиб ўтган мазкур учрашув ушбу меморандумни амалга ошириш йўлидаги навбатдаги муҳим қадам бўлди.
Олмаота – Урганч – Олмаота йўналиши бўйича мунтазам тўғридан-тўғри авиақатновлар 3 сентябрдан бошланади ва ҳафтасига икки марта — пайшанба ҳамда якшанба кунлари амалга оширилади. Авиачипталар Флярйстан мобил иловаси, авиакомпаниянинг расмий сайти ва бошқа сотув каналлари орқали харид қилиш учун аллақачон мавжуд.
«Арда Хива» мажмуаси ҳақида
«Арда Хива» туристик мажмуаси Ўзбекистон Республикаси Президенти ташаббуси билан барпо этилган. Кўп тармоқли туристик кластер Ғовукўл соҳилидаги 25 гектар майдонда жойлашган бўлиб, Ўзбекистон Республикаси Туризм қўмитаси ва Хоразм вилояти ҳокимлиги кўмагида маданий-тарихий, спорт ҳамда кўнгилочар тадбирларни кенг кўламда ташкил этиб келмоқда.
Мажмуа инфратузилмаси қуйидагиларни ўз ичига олади:
- 1000 ўринли 6 та меҳмонхона;
- очиқ аквапарк ва ёпиқ сузиш ҳавзаси;
- 3000 ўринли амфитеатр;
- 11 та ҳунармандчилик уйи, «Қадимий Урганч» музейи, рассомлик галереяси ва заргарлик маркази;
- умумий узунлиги 2 километр бўлган гондолалар учун сув каналлари;
- 10 дан ортиқ кафе ва ресторанлар, шарқона бозор;
- минтақадаги энг йирик болалар маркази, спорт иншоотлари ҳамда СПА мажмуаси.
Мажмуани бошқариш Ўзбекистоннинг ҲотелПро ва Россиянинг Кронвелл компаниялари халқаро консорсиуми томонидан амалга оширилади.
Флярйстан ҳақида:
Флярйстан — Қозоғистоннинг лоукост авиакомпанияси бўлиб, Аир Астана компаниялар гуруҳининг 100% шўъба корхонаси ҳисобланади. У ўз фаолиятини 2019 йил май ойида бошлаган. Авиакомпания кенг йўналишлар тармоғи бўйича парвозларни амалга оширади ва замонавий Аирбус А320 самолётлари паркига эга.
Унинг асосий базалари Олмаота, Остона ва Ақтау шаҳарларида жойлашган. Флярйстан маршрутлар тармоғи ички ва халқаро мунтазам рейслар, шунингдек чартер йўналишларини ҳам қамраб олади.