АҚШлик актриса Хейден Панеттьеренинг ўлими бахтсиз ҳодиса деб топилди, бу билан маҳаллий полиция суриштируви якунланди
«Герои» (Қаҳрамонлар) ва «Нэшвилл» юлдузи август ойида фентанил, Ксанакс ва бошқа бир қанча дори воситаларининг токсик таъсиридан вафот этди.
АҚШ актрисаси Ҳайден Панеттьеренинг ўлими бахтсиз ҳодиса деб баҳоланди, маҳаллий полиция суриштируви якунланди
Август ойида Ҳайден Панеттьере вафот этган Жанубий Каролина полицияси унинг ўлими бўйича терговни якунлаганини маълум қилди.
АҚШ актрисаси Ҳайден Панеттьеренинг ўлими бахтсиз ҳодиса деб баҳоланди ва бу унинг ўлими бўйича маҳаллий терговнинг якунланишига олиб келди, хабар берди Жанубий Каролина полицияси.
«Геройлар» ва «Нэшвилл» юлдузи август ойида 36 ёшида организмида фентанил, ксанакс ва бошқа бир қанча дори воситаларининг токсик таъсиридан вафот этган эди.
Ўтган ойда Панеттьеренинг гиёҳванд моддаларни ошиқча қабул қилишдан вафот этганини аниқлаган тиббий эксперт хулосасига таяниб, Гринвилл полиция бошқармаси унинг ўлими бўйича «терговни якунлаганини» билдирди.
Хабар қилинишича, АҚШнинг Гиёҳванд моддаларга қарши кураш бошқармаси (DEA) маҳаллий полиция суриштирувига қўшилган. Ушбу тергов ҳам якунлангани ёки йўқлиги номаълум.
«Суд-тиббий экспертизасининг хулосаси ва тергов натижаларига асосланиб, Ҳайден Панеттьеренинг ўлими бахтсиз ҳодиса деб баҳоланди», — дейилади полиция баёнотида.
BBC’нинг АҚШдаги медиа ҳамкори CBS News хабарига кўра, ҳокимият органлари, жумладан DEA, Панеттьере ўлимининг тафсилотларини ўрганаётган бўлган.
BBC мурожаат қилганда, Гринвилл полиция бошқармаси матбуот котиби DEA айнан нимани тергов қилаётгани ҳақида изоҳ бера олмасликларини айтди.
Моддаларни суиистеъмол қилиш муаммолари ҳақида очиқ гапириб келган Панеттьере 16 август куни Жанубий Каролинадаги хонадонлардан бирида ҳушсиз ҳолда топилган эди.
Ўтган ойда Гринвилл округи коронер хизмати собиқ ёш юлдузнинг ўлимига фентанил — охирги беш йилнинг ўзида юз минглаб америкаликларнинг ёстиғини қуритган ситетик опиоид — ва бошқа моддаларни тасодифан ошиқча дозада қабул қилиши сабаб бўлганини тасдиқлади.
Коронер, шунингдек, метокарбамол — рецепт бўйича бериладиган мушакларни бўшаштирувчи восита — ва кветиапин — муайян руҳий хасталикларни даволаш учун қўлланиладиган антипсихотик дори воситасини ҳам аниқлади.
Коронер хизматининг билдиришича, қутқарувчилар «юрак тўхташи» ҳолатидаги аёлга ёрдам кўрсатишган ва унинг ёриб кўриш натижалари ўлимга сабаб бўлган «ҳеч қандай жароҳат белгиларини» кўрсатмаган.
У вафот этган кундаги полиция ҳисоботига кўра, Панеттьеренинг собиқ севгилиси, унга нисбатан зўравонлик қилганини тан олган Брайан Хикерсон ва унинг акаси Зак шошилинч хизматлар келганда унинг ёнида бўлишган.