АҚШда сунъий интеллект ишга кеч қолган ходимни бўшатди

АҚШда сунъий интеллект биринчи марта ходимни ишдан бўшатди. Бу ҳақда Тиме нашри хабар берди.

Сан-Франсискодаги дўконни бошқариш учун Слауде номли сунъий интеллект ёрдамчиси ишга туширилган эди. Андон Лабс стартапи нейрон тармоқларнинг имкониятларини ва уларнинг иқтисодиётга таъсирини ўрганиш мақсадида дўкон фаолиятига сунъий интеллект моделини жорий этган. Дўкон ходимлари эса ҳақиқий меҳнат шартномасига эга инсонлар бўлган.

Слауде менежер сифатида фаолият юритиб, ўзига бўйсунувчи ходимлардан бирини ишдан бўшатди. Ишдан бўшатишга сабаб, ходимнинг 23 та сменадан 17 тасига кечикиши бўлган. Дастлаб сунъий интеллект ўзи ишлаб чиққан йўриқномани хотирасидан йўқотиб қўйган эди. Шу сабабли, менежер сифатида "кўнгилчанглик қилиб", кечиккан ходимларга хавотир олмасликни уқтириб келган.

Нейрон тармоқ Андон Лабс ходими билан доимий алоқада бўлиб, ундан вазиятга аралашишни сўраб турган. Инсон берган кўрсатмадан сўнг Слауде унутилган қўлланмани топган ва мунтазам кечикишларни аниқлаган. Дастлаб ассистент расмий огоҳлантириш беришни тавсия қилган, бироқ кейинчалик ишдан бўшатиш ҳақида қарор чиқарган.

Молиявий нуқтаи назардан тажриба ўзини оқламаган. Беш ой ичида дўкон баланси 100 минг доллардан 61 минг долларгача камайган. Слаудеънинг қатъияциз бошқарув қарорлари ва шубҳали бизнес қобилияти ушбу зарарга сабаб бўлган.

Аввалроқ АҚШ Киберхавфсизлик агентлигининг вақтинчалик раҳбари ЧатГПТъга хизмат файлларини сиздиргани аниқланганди. Бу файллар "фақат хизмат доирасида фойдаланиш учун" белгиси қўйилган ва оммавий тарқатишга мўлжалланмаган СИСА шартнома ҳужжатларидан иборат бўлган.