АҚШда иммиграция агентларига электрошокли қўлқоп берилади

АҚШда федерал иммиграция агентлари электр токи чиқарувчи қўлқоплар билан таъминланиши мумкинлиги ҳақида Ал Жазеера хабар берди.

Ички хавфсизлик департаменти 2027-йил март ойи охиригача ушбу турдаги қўлқопларни сотиб олиш учун 10 миллиондан 20 миллион долларгача маблағ ажратишни режалаштирмоқда. СТ-Г5 Г.Л.О.В.Э. деб номланган бу қурилма "Генерате Лов Оутпут Волтаге Эмиттер" (Паст кучланишли импулс генератори) сўз бирикмасидан олинган. Ҳозирда у баъзи қамоқхоналар ва полиция бўлимларида қўлланилмоқда.

Сомплиант Течнологиес компанияси томонидан ишлаб чиқарилган бу қўлқоплар инсон танасига тегганида енгил, ноқулай электр импулслари ҳосил қилади. Ички хавфсизлик департаменти улардан диққатни чалғитиш ва вазиятни юмшатиш мақсадида фойдаланилишини маълум қилди.

Қўлқоп максимал 380 волт кучланиш бериб, субьектнинг қаршилик ҳаракатларини бажаришига тўсқинлик қилиши мумкин. Ушбу кутилаётган харид ҳуқуқни муҳофаза қилувчилар ва фаолларнинг кескин норозилигига сабаб бўлган. Улар бу қўлқопларнинг департамент ҳибсхонасидаги намойищилар ва иммигрантларга нисбатан шафқацизларча қўлланилишидан хавотирда.

Сомплиант компанияси эса қурилмани юқори хавф гуруҳига кирувчи шахсларга – кекса ёшдагилар, кичик ёшдаги болалар, ҳомиладор аёллар ва оғир ногиронлиги бўлган инсонларга нисбатан қўлламасликни тавсия этади. Шунингдек, ходимлар ушбу қўлқоплардан фойдаланиш учун махсус ўқув курсини тамомлаши ва ҳар икки йилда қайта аттестациядан ўтиши шарт.