АҚШ Халқаро жиноят судига қарши санксиялар жорий қилди

АҚШ Халқаро жиноят судига қарши санксиялар жорий этди

АҚШ президенти Доналд Трамп маъмурияти Халқаро жиноят судига (ХЖС) нисбатан санксиялар киритди, деб Реутерс 9-октабр куни хабар берди.

АҚШ Молия вазирлиги ҳам ХЖСга қарши санксиялар рўйхатини кенгайтирди, бу ҳақда вазирликнинг Хорижий активларни назорат қилиш бошқармаси (ОФАС) маълум қилди.

Давлат котиби Марко Рубио АҚШ суднинг америкаликларни таъқиб қилишига йўл қўймаслигини айтди. Унинг сўзларига кўра, Вашингтон суд билан ҳар қандай битимларни тақиқлаб, «уни ресурслардан маҳрум этади ва фаолият кўрсатиш қобилиятини фалаж қилади».

ХЖС прокурори ўринбосари Назҳат Шамим Хон санксияларни танқид қилиб, улар суд фаолиятини тўхтата олмаслигини таъкидлади.

АҚШ ушбу санксияларни суднинг собиқ судяларидан бири Наванетхем «Нави» Пиллай Тинчлик бўйича Нобел мукофотига сазовор бўлганидан бир неча соат ўтиб жорий қилди.

АҚШ Халқаро жиноят суди фаолиятидан бир неча бор норозилик билдирган. Жумладан, ХЖС Исроил расмийларини, хусусан, бош вазир Бинямин Нетаняҳуни ҳибсга олишга ордер берганидан кейин, шунингдек, Афғонистонда жанг қилган америкалик ҳарбийларга нисбатан олиб борилиб, ҳозирда ёпилган тергов сабабли ҳам эътирозлар билдирилган эди.