АҚШ Украинага 2,7 млрд долларлик қурол-яроғ сотишни маъқуллади
АҚШ Украинага 2,7 млрд долларлик қурол-яроғ сотишни маъқуллади
АҚШ Давлат департаменти Украинанинг ҳаво мудофааси тизимларини модернизация қилиш учун 2,68 миллиард долларлик қурол-яроғ сотиш бўйича эҳтимолий битимни маъқуллади. Бу ҳақда департамент 19-сентябрга ўтар кечаси хабар берди.
Давлат департаменти баёнотига кўра, агар Киев ва Вашингтон ўртасида келишувга эришилса, харажатлар Европа давлатларининг ҳиссалари ҳамда АҚШ ҳарбий молиялаштириш дастури (ФМФ) доирасида Жо Байден маъмурияти ажратган маблағлар ҳисобидан қопланади.
Украина АҚШдан ҳаво мудофааси тизимлари учун ўқ-дорилар ва модернизация хизматларини сўраган.
Рўйхатда С-300 Слоне ракеталари, ГАМ-67 ракеталари, лазер ёрдамида бошқариладиган ва узоқроқ масофага мўлжалланган ҳаво мудофааси ракета тизимлари ҳамда бошқа қурол-яроғлар бор.
Шунингдек, Киев учувчисиз қурилмаларга қарши курашиш учун РПС 202 радиолокация стансияларини ҳам сўраган.
АҚШ Давлат департаменти битимни амалга ошириш учун Америка ҳукумати вакиллари ёки пудратчиларини Украинага юбориш талаб этилмаслигини алоҳида таъкидлаган.
“Ушбу техника ва қўллаб-қувватлаш хизматларининг таклиф этилаётган савдоси минтақадаги асосий ҳарбий мувозанатни ўзгартирмайди”, дейилади департамент баёнотида.