АҚШ пойтахти кўчаларида илк бор ИндйСар пойгаси ўтказилди
Узунлиги 2,7 км бўлган вақтинчалик трасса Миллий аллея атрофида ётқизилиб, болидлар Капитолий ва Вашингтон монументи фонида Пенсилвания авенюси бўйлаб ҳаракатланди.
АҚШ пойтахти Вашингтон шаҳри ўз тарихида биринчи марта нуфузли НТТ ИндйСар Сериес пойга сериясининг босқичига мезбонлик қилди. Мамлакат мустақиллигининг 250 йиллигига бағишланган ноёб Фреедом 250 Гранд Прих кўча пойгаси ўтказилди.
Узунлиги 2,7 км бўлган вақтинчалик трасса Миллий аллея атрофида жойлашган бўлиб, пойга автомобиллари Капитолий ва Вашингтон монументи фонида Пенсилвания авенюси бўйлаб ҳаракатланди.
Босқичнинг асосий қаҳрамони Андретти Глобал жамоаси шарафини ҳимоя қилган америкалик пойгачи Кайл Кирквуд бўлди. Биринчи қатордан старт олган Кирквуд 147 айланадан 128 тасида етакчиликни сақлаб қолиб, мутлақ устунлигини намойиш этди.
Фреедом 250 Гранд Прих якунларига кўра, Кайл Кирквуд (Андретти Глобал / Ҳонда) 1-ўринни, Кристиан Лундгор (Арров МсЛарен / Чевролет) 2-ўринни ва Уилл Пауер (Андретти Глобал / Ҳонда) 3-ўринни эгаллади.
Ушбу ғалаба туфайли Кайл Кирквуд мавсум етакчиси Алекс Палоудан ортда қолиш фарқини қисқартириб, шахсий ҳисобнинг топ-3 талигидаги ўрнини мустаҳкамлади.