АҚШ НАТО иттифоқчиларидан Трамп сиёсатига содиқлиги ҳақида ҳисобот талаб қилди

АҚШ НАТО иттифоқчиларидан Трамп сиёсатига содиқлиги ҳақида ҳисобот талаб қилди

АҚШ Европадаги ҳарбий иштирокини қисқартириши мумкин бўлган бир пайтда НАТО мамлакатларига сўровнома юборди. Унда мамлакатлар Қўшма Штатлар президенти Доналд Трамп сиёсатини қўллаб-қувватлаш даражаси ҳақида сўралади. Бу ҳақда тегишли ҳужжатдан хабардор манбаларга таяниб Блоомберг хабар берди.

Агентлик маълумотларига кўра, мамлакатлар АҚШ ташқи сиёсатига “очиқча хайрихоҳлик билдиргани” ҳақидаги саволга жавоб бериши керак. Шунингдек, улар АҚШ ҳарбий базаларидан фойдаланиш бўйича чекловлар ва Американинг мудофаа пудратчиларидан харидлар ҳақида ҳисобот бериши лозим.

Вазиятдан хабардор манбаларнинг агентликка айтишича, иттифоқчилар бу сўровномани АҚШ ҳимояси эвазига ғоявий якдилликка мажбурлаш деб қабул қилган. Агентликнинг қайд этишича, сўровнома Трамп администрациясининг Европадаги АҚШ ҳарбий иштирокини олти ой ичида қайта кўриб чиқиш жараёни фонида тузилган. Тегишли жараён декабр ойида якунланиши режалаштирилган.

Блоомберг келтирган НАТО Бош котиби Марк Рютте сўзларига кўра, АҚШнинг Европадаги ҳарбий иштирокини қайта кўриб чиқиши Европа ва Канадада мудофаа харажатлари осаётгани фонида “мантиқий ва ижобий” қарор ҳисобланади.

НАТО вакили Блоомберғга алянс АҚШ билан биргаликда ҳарбий иштирокни қайта кўриб чиқиш устида ишлаётганини тасдиқлади. Лекин у сўровномага изоҳ беришдан бош тортди. Июл ойида СНН манбалари Трамп НАТО мамлакатларига “сигнал” сифатида АҚШ ҳарбий иштирокини учдан бир қисмга қисқартиришни кўриб чиқаётганини хабар қилган эди.