АҚŞдаги оралиқ сайлов якунлари. Асосий маълумотлар
Республикаçилар қарийб 100-йил мобайнида сенаторлик öрни эгаллаб турилган Канзасда ҳам ютқазиşди.
АҚШдаги оралиқ сайловлар якунлари. Асосий маълумотлар
3-ноябр куни АҚШда Конгресс учун оралиқ сайловлар бўлиб ўтди. Америкаликлар Вакиллар палатасининг янги таркибини (Конгресс қуйи палатасидаги 435 ўрин), Сенат аъзоларининг учдан бир қисмини (Конгресс юқори палатасидаги 35 ўрин), шунингдек, 36 штат губернаторлари ва маҳаллий қонун чиқарувчи йиғилишлар депутатларини сайлашди. Оралиқ сайловлар президентлик муддатининг ярмида ўтказилади ва сайловчилар ҳамда ОАВ томонидан амалдаги давлат раҳбарига ишонч билдириш бўйича ўзига хос референдум сифатида қабул қилинади. Қоидага кўра, бундай сайловда ҳукмрон партия доим ютқазган. Бу сафар ҳам шундай бўлди. Доналд Трамп бошқарувидаги Республикачилар партияси Вакиллар палатасида ҳам, Сенатда ҳам кўпчилик ўринни бой берди.
Демократик партия 3-ноябр кунги оралиқ сайловлар якунига кўра АҚШ Конгрессининг ҳар икки палатаси устидан назоратни қўлга киритди.
НБС Невс телеканали прогнозларига кўра, демократлар Вакиллар палатасида 255 ўрин (республикачиларда 180), Сенатда эса 48 га қарши 52 ўрин олади. Тҳе Нев Ёрк Тимес нашри эса Демократик партия Вакиллар палатасида 256, Сенатда 55 ўрин қўлга киритишини прогноз қилган. Блоомберг агентлиги ҳисоб-китобларига кўра, демократлар Сенатда 53, Вакиллар палатасида 227 ўринни кафолатлаган. СНН ва Реутерс ҳам тахминан шундай натижаларни тахмин қилган. Якуний ҳисоб-китоблар эълон қилиниши бир неча ҳафта вақт олиши мумкин.
Демократлар азалдан республикачилар таянчи ҳисобланган ва Трамп мунтазам равишда ғалаба қозониб келган штатларда ҳам сенаторлик креслосини эгаллади.
Демократ Трой Жексон республикачи Сюзан Коллинзни мағлуб этди, у сўнгги 30 йил мобайнида ушбу штатдан сенаторликка сайланиб келганди.
Демократ Жеймс Таларико штат бош прокурори, республикачи номзод Кен Пакстонни мағлубиятга учратди. Техасдаги сайлов кампанияси миллий миқёсда энг қимматбаҳоларидан бири бўлганди. Пакстон қатор можароларга аралашиб қолганди, аммо шахсан Трамп уни қизғин қўллаб-қувватлади. Техас сўнгги 30 йилдан ортиқ вақт мобайнида «республикачиларники» бўлиб турганди.
Адам Ҳемилтон Рожер Маршаллни мағлуб этди ва қарийб 100 йил ичида — 1932-йилдан буён штатдан сенаторликка сайланган илк демократ бўлди.