Антропҳис яширинча биологик лаборатория ташкил этди
Антҳропис яширинча биологик лаборатория ташкил этди
Сунъий интеллект тизимларини яратиш устида ишлаётган Антҳропис компанияси АҚШнинг Сан Франсиско шаҳрида ўз биологик лабораториясини йўлга қўйди. Компания тиббиёт ва дори-дармон йўналишидаги ишланмаларини ривожлантирмоқда. Бу ҳақда Реутерс хабар берди.
Антҳропис ҳаёт ҳақидаги фанлар бўлими раҳбари Эрик Каудерер-Абрамс компаниянинг ўз лабораторияси борлигини тасдиқлади. Унинг айтишича, биологияда якуний синов барибир ҳақиқий лаборатория ишларида ўтказилади.
Компания ушбу тажрибахонани кам учрайдиган ва давоси қийин бўлган касалликларга қарши дори топиш мақсадида ишга туширган. Стартап фармацевтика саноати эътибордан четда қолдирган йўналишларда фаолият юритади ва янги препаратлар яратиш жараёнини тезлаштиришни истайди.
Антҳропис ўзининг Слауде сунъий интеллектига роботлаштирилган ускуналарни бошқаришни ўргатмоқда. Бу тажрибаларни инсон аралашувисиз ўтказишга ёрдам беради. Бироқ хавфсизлик нуқтайи назаридан инсон назорати сақланиб қолади.
Лаборатория ташкил этилиши компания ичида хавотирлар билдирилаётган бир пайтга тўғри келди. Айрим тадқиқотчилар СИ инсониятни йўқ қилиши ёки ундан биологик қурол яратишда фойдаланилиши мумкинлигидан огоҳлантирмоқда.
Антҳропис йирик фармацевтика компаниялари билан рақобатлашмаслигини маълум қилди. Компания ҳозирча клиник синовлар ўтказмайди ва фақат дастлабки босқичдаги илмий изланишларга эътибор қаратади. Стартап дори воситаларини ишлаб чиқиш учун Соеффисиент Био стартапини аксияларга сотиб олган ҳамда янги мутахассисларни ишга қабул қилмоқда.