Аномал иссиқ Франсия футболига жиддий хавф солмоқда — Фоотмерсато
**Аномал иссиқлик Франсия футболига таҳдид солмоқда – Фоотмерсато хабари**
Иқлим ўзгариши Франсияда футбол учрашувларини ўтказиш жараёнига бевосита хавф туғдирмоқда. Фоотмерсато нашрининг маълумотларига кўра, Франсия футбол федерацияси (ФФФ) буюртмаси билан ўтказилган ва ЛъÉқуипе нашри томонидан ўрганилган тадқиқот натижалари шуни кўрсатадики, франсуз клубларининг 93 фоизи об-ҳаво шароитлари ёмонлашгани сабабли ўйинларни бошқа кунга қолдириш муаммосига дуч келган.
Мутахассислар тадқиқот давомида футбол учун бешта асосий иқлим хавфини аниқлаган: булар ҳаддан ташқари иссиқлик, қурғоқчилик, кучли момақалдироқлар, қишки даврдаги ёғингарчиликлар ва сув тошқинларидир.
Мутахассисларнинг хулосасига кўра, 2030-йилга бориб вазият янада ёмонлашиши кутилмоқда. Аномал иссиқ ҳарорат туфайли 300 минг соатдан ортиқ машғулотлар ва йиғинларни ўтказиш сўроқ остида қолади, шунингдек, йил давомида ўртача 112 кун футбол майдонларининг қарийб яроқсиз ҳолатга келиши қайд этилади. Қолаверса, айни дамда Франсиядаги футбол майдонларининг қарийб учдан бир қисми сув тошқини хавфи юқори бўлган ҳудудларда жойлашган. Клублар табиий қопламалар ўрнига сунъий майсалардан фойдаланиши ҳам муаммони тўлиқ ҳал этмайди. Тадқиқотлар шуни кўрсатадики, бундай қопламаларнинг ҳарорати ҳаво ҳароратидан 30 даражагача юқорироқ бўлиши мумкин. Яъни, атроф-муҳит ҳарорати 40 даражага етганда, сунъий майса 70 даражадан юқори даражагача қизиб кетади ва унда футбол ўйнашнинг имкони бўлмайди.
2100-йилга оид тахминлар эса бундан-да хавотирли экани айтилмоқда. Тадқиқотларга кўра, табиий қопламали майдонларнинг 86 фоизи йилига камида 80 кун давомида қурғоқчиликдан азият чекиши мумкин. Айрим ҳудудларда об-ҳаво инжиқликлари сабабли йилига қарийб уч ой давомида футбол ўйинларини нормал ҳолатда ўтказиш мутлақо имконсиз бўлиб қолади. Ушбу жиддий экологик таҳдидлар фонида Франсия футбол федерацияси вазиятга мослашиш чораларини кўришни бошлаган. Федерация 2026-йилнинг иккинчи ярмида иқлим ўзгаришларига қарши ўзининг янги стратегияси ҳамда янгиланган протоколларини оммага тақдим этишни режалаштирмоқда.