Англиянинг “Фулҳем” клуби Янги Тошкентда футбол академияси очиши мумкин
Англиянинг ъФулҳемъ футбол клуби Янги Тошкентда Британия стандартларига асосланган футбол академиясини ташкил этиш имкониятларини ўрганмоқда. Ушбу ташаббус Ўзбекистоннинг Буюк Британиядаги элчиси ва клуб раҳбарияти учрашувида муҳокама қилиниб, ҳамкорлик механизмларини ишлаб чиқишга келишилди.
Англиянинг “Фулҳем” клуби Янги Тошкентда футбол академияси очиш имкониятини кўриб чиқиши мумкин.
“Фулҳем” футбол клуби Буюк Британия тажрибаси ва стандартларидан фойдаланган ҳолда Янги Тошкентда футбол академиясини ташкил этиш масаласини ўрганишга тайёрлигини маълум қилди, деб хабар бермоқда.
Қайд этилишича, бу масала Ўзбекистоннинг Буюк Британиядаги элчиси Равшан Усмонов ва элчихона дипломатлари ҳамда “Фулҳем” клуби футболни ривожлантириш йўналиши раҳбари Хю Женнингс ва тижорат менежери Бретт Макголдрик ўртасидаги учрашувда муҳокама қилинган.
Учрашувда “Фулҳем” раҳбарияти Британия тажрибаси ва стандартлари асосида Янги Тошкентда академия ташкил этиш истиқболларини ўрганишга тайёр эканини билдирган.
“Учрашув якунида томонлар ушбу ташаббусни амалга ошириш учун ҳамкорликнинг аниқ механизмларини ишлаб чиқишга келишиб олди”, — дейилади хабар сўнгида.