Англияда дарвозабонлар симуляциясига қарши жазо чоралари жорий қилинади — ББС

Англияда дарвозабонларнинг ўйинни чўзиш мақсадида жароҳатни симуляция қилишига қарши чоралар кўрилмоқда, деб хабар беради ББС.

Англия футбол лигалари янги қоидани жорий этмоқда: агар дарвозабонга тиббий ёрдам кўрсатиш учун шифокорлар майдонга тушса, жамоанинг бир футболчиси бир дақиқага майдонни тарк этиши шарт бўлади.

Мураббий 10 сония ичида майдондан чиқадиган ўйинчини танлаши керак; акс ҳолда, автоматик равишда жамоа сардори майдондан чиқарилади. ББС маълумотларига кўра, агар дарвозабон жиддий жароҳат олган бўлса (масалан, мия чайқалиши, қон кетиши), бу қоида қўлланилмайди.

Халқаро футбол ассоциациялари кенгаши ушбу тажриба натижаларини кўриб чиқади. Агар маъқулланса, янги қоида 2027/2028-йилги мавсумдан бошлаб бутун дунё бўйлаб жорий этилиши мумкин.

Бу ташаббусга 2025-йил ноябр ойида юз берган воқеа туртки бўлган. Ўшанда "Лидс Юнайтед" бош мураббийи Даниел Фарке "Манчестер Сити" дарвозабони Жанлуижи Доннаруммани атайлаб ўйинни чўзишда айблаган эди. Ўша ўйинда "Манчестер Сити" Филипп Фоденнинг қўшимча вақтдаги голи эвазига "Лидс"ни 3:2 ҳисобида мағлуб этган.