Англия ва Испания ўйинида шоу, Қозоғистон дуранг билан бошлади
Шанба оқшомида Миллатлар лигасида гуруҳ босқичи 1-тур учрашувлари давом эттирилди. Ҳарри Кейн Испанияга пеналтидан гол уролмади, 41 ёшли Модрич Хорватия учун гол уришда, 37 ёшли Перишич голли пас беришда давом этмоқда.
**Англия ва Испания ўйинида шоу, Қозоғистон дуранг билан бошлади**
**Кейннинг хатоси қимматга тушди**
**Англия – Испания 2:3**
Ямал, 2 (0:1). Гордон, 36 (1:1). Кейн, 40 (2:1). Баена, 60 (2:2). Ойярсабал, 74 (2:3)
Аниқ ижро этилмаган пеналти: Кейн, 54ъ
**Англия:** Траффорд, Конса, Гейи (Брантуейт, 89), ЎРайли, Куанса, Андерсон, Люис-Скелли (Роджерс, 70), Беллингҳем, Гордон (Гарнер, 70), Сака (Гиббс-Уайт, 83), Кейн (Калверт-Люин, 83)
**Испания:** Симон, Ляпорт, Кубарси, Кукуреля, Пубил, Руис (Педри, 70), Родри, Олмо (Мерино, 82), Уилямс (Баена, 55), Ямал, Торрес (Ойярсабал, 55)
Гейи, 69. Беллингҳем, 81
Испания Англияга қарши кечган ёрқин баҳсда ғалабани ўз фойдасига ҳал қилди. Амалдаги жаҳон чемпионлари 2-дақиқадаёқ ҳисобни очишди: «Сити» ҳимоячиси Марк Гейи қўпол хатога йўл қўйди ва Ламин Ямал бундан унумли фойдаланди.
Бу испанлар учун расмий учрашувларда 2005-йил октабридан бери урилган энг тезкор гол бўлди. Ўшанда Антонио Лопес ЖЧ-2006 саралаши доирасида Сан-Марино дарвозасини 53-дақиқада ишғол этганди. Бу, шунингдек, «Уембли»да меҳмон жамоалар 1957-йилдан буён урган энг тезкор гол сифатида ҳам қайд этилди. Ўшанда шотландиялик Томми Ринг Англияга қарши ўйиннинг 1-дақиқасида ҳисобни очганди.
Орадан кўп ўтмай Ферран Торрес ҳам гол урди, бироқ у офсайдда экани аниқланди. Танаффус олдидан эса инглизлар босимни оширишди: 36-дақиқада аввал Энтони Гордон ҳисобни тенглаштирди, тўрт дақиқа ўтиб Ҳарри Кейн жамоасини олдинга олиб чиқди.
Иккинчи бўлим бошида Англия фарқни ошириши мумкин эди. Жуд Беллингҳем жарима майдони ичида Родри билан тўқнашувдан сўнг йиқилди. Бош ҳакам Давиде Масса аввалига фолни қайд этмади, кейин эса ВАР аралашувидан сўнг пеналти белгилади.
Бироқ зарба вақтида Кейн тойиб кетди ва тўп тўсинга тегиб қайтди.
Бу учрашувнинг бурилиш нуқтаси бўлди. Интригани сақлаб қолган испанлар яна иккита гол уришди. Кейннинг муваффақияциз зарбасидан беш дақиқа ўтиб захирадан тушган Алекс Баена ҳисобни тенглаштирди. Яна бир захира футболчиси Микел Ойярсабал 74-дақиқада ғалаба голини киритди — 3:2.