Ангела Меркел фойдаланган самолёт сотувга қўйилди
Ангела Меркел фойдаланган самолёт сотувга қўйилди
АҚШда Германиянинг собиқ канслери Ангела Меркел фойдаланган Тҳеодор Ҳеусс самолёти сотувга чиқарилди.
А340-300 русумидаги лайнерни АҚШнинг Жетсрафт брокери савдога қўйди. 2000-йилда ишлаб чиқарилган самолёт жами 50 710 соат учган ва 8 768 марта қўнган. У 145 нафаргача йўловчини сиғдира олади, шундан 24 та ўрин бизнес-классга, 94 таси эса эконом-классга мўлжалланган. Бундан ташқари, бортда бир нечта ўриндиқли люкс хона ҳамда конференсия зали бор.
Лайнер ҳашаматли ёғоч панеллар билан безатилган, унда Берлин панорамаси ўйиб туширилган ва оқ чарм креслолар ўрнатилган. Ўриндиқларнинг бир қисмини зарурат туғилганда ётоққа айлантириш мумкин. Самолёт душ билан ҳам жиҳозланган.
ВВИП даражасидаги қайта жиҳозлаш ишлари 2011-йилда амалга оширилган. Шу кўринишда самолёт узоқ масофаларга тўхтовсиз учиш учун қулай бўлган. Самолётнинг собиқ ҳукумат борти эканини унинг фюзеляжи бўйлаб туширилган қора-қизил-олтин рангли чизиқдан билиш мумкин. Бироқ сотувга чиқарилишидан олдин уни тўлиқ оқ рангга бўяш режалаштирилмоқда.
Самолётнинг нархи ҳозирча белгиланмаган, у музокаралар давомида келишилади. Унинг аввалги эгаси АҚШнинг ССДС Ассет Манагемент компанияси бўлган. У ушбу Аирбусъни ижарага ҳам берган. Экипажсиз ижара нархи ойига 200 минг доллар, техник хизмат кўрсатиш харажатлари эса қўшимча 75 минг долларни ташкил этган.
ССДС илгари ҳам лайнерни сотишга уриниб кўрган. 2024-йилда уни 8 миллион АҚШ долларига сотиб олиш мумкин эди, бироқ самолётнинг янги эгаси режалаштирилган техник кўрик харажатларини ўз зиммасига олиши керак бўлган. Техник кўрикдан ўтказилган самолёт эса 12 миллион долларга таклиф қилинган.
Ҳозирда самолёт АҚШда Жетсрафт брокерининг тураргоҳида сақланмоқда. Унга фаол равишда, жумладан, ижтимоий тармоқлар орқали ҳам харидор изланмоқда.