Америкаликлар Россияда кузги сафарбарлик эълон қилиниши ҳақида огоҳлантирмоқда
Бу Дума учун сентябр ойи охирида бўлиб ўтадиган сайловлардан кейин бошланиши мумкин.
Америкаликлар Россияда кузги сафарбарлик эълон қилиниши мумкинлигидан огоҳлантирмоқда.
Украина ҳукумати хабаридан сўнг, Тҳе Валл Стреет Жоурнал нашри ҳам америкалик расмийлар орасидаги манбаларига таяниб, Кремл ҳарбий сафарбарликнинг янги тўлқинини эълон қилиш имкониятини кўриб чиқаётганини маълум қилди. Уларнинг сўзларига кўра, агар Россия Федерацияси раҳбарияти бундай қадам ташлашга журъат эца, бу фақат Давлат думасига сайловлардан кейин содир бўлади. Овоз беришнинг асосий куни 20-сентябрга белгиланган.
Москва Стратегиялар ва технологияларни таҳлил қилиш маркази директори Руслан Пуховнинг фикрича, агар Владимир Путин Донбассни тўлиқ эгаллашга уринишда давом эца, "унда сафарбарлик эълон қилишдан бошқа чора қолмаслиги мумкин".
Мақолада айтилишича, захирадагилар ва ҳарбий тажрибага эга бўлган россияликлар хизматга чақирилган сафарбарликнинг биринчи тўлқинидан фарқли ўлароқ, янги тўлқин ҳарбий тажрибаси кам ёки умуман жанг қилишни истамайдиган одамларни қамраб олади. Шу билан бирга, бундай қарорнинг сиёсий хатарлари фронтдаги ҳарбий устунликка эришишдан кўра оғирроқ бўлиши мумкин.
Аввалроқ "Медуза" ва бошқа нашрлар манбалари октябр ойидаёқ сафарбарликнинг янги тўлқини бошланиши мумкинлиги ҳақида хабар берган эди. Уларнинг сўзларига кўра, Россия ҳукумати шартнома асосида ҳарбийларни ёллаш билан боғлиқ муаммолар фонида оммавий чақирув ҳақида ўйлай бошлаган. Шартнома асосида хизмат қилишни хоҳловчилар сони камайиб бормоқда, турли йўллар билан шартнома имзолашга кўндирилганлар эса кўпинча ҳарбий хизматга яроқсиз бўлиб чиқмоқда.
Яқинда Украина президенти Володимир Зеленский разведка маълумотларига таяниб, Давлат думаси сайловларидан кейин Россияда сафарбарлик бўлиши мумкинлиги ҳақида гапирганди. Украина раҳбарининг сўзларига кўра, гап "яширин" сафарбарлик ҳақида кетмоқда, чунки Россия ҳукумати барибир жамиятнинг реаксиясидан хавотирда. Зеленскийнинг таъкидлашича, Украина учун сафарбарликнинг янги тўлқини "катта муаммо" бўлиши мумкин, чунки Путин 300 мингдан 500 минггача одамни сафарбар қилишни режалаштирмоқда.
Ҳарбий таҳлилчи Руслан Левиевнинг фикрича, сафарбарлик учун ҳарбий сабаблар йўқ ва оммавий чақирув Россия армиясига фронтдаги вазиятни ўзгартиришга ёрдам бермайди. Шу билан бирга, бу қарорнинг иқтисодий ва сиёсий харажатлари Россия ҳукуматига "оғриқли зарба" бериши мумкин.
"Медуза" ҳарбий эксперти Дмитрий Кузнец агар Россия армиясидаги йўқотишлар сони шартнома бўйича қабул қилинаётганлар сонидан ошиб кеца, сафарбарликнинг янги тўлқини эҳтимоли ортишини таъкидлаган. Бироқ ҳозирча Россия қўшинларида шахсий таркибнинг кескин тақчиллиги кузатилмаяпти. Бундан ташқари, сафарбарликнинг ўзи фронтни ёриб ўтишга имкон берадиган устунликни тақдим этмайди.