American Airlines йўловчиси скотч билан ўриндиққа боғлаб қўйилди

American Airlines йўловчиси скотч билан креслога боғлаб қўйилди

American Airlines йўловчиси самолёт бортида жанжал чиқариб, бошқа одамларни ҳақорат қила бошлаганидан кейин уни скотч ва бўйинбоғлар (стяжка) ёрдамида креслога маҳкамлаб қўйишга тўғри келди.

Бу воқеа Техасдан Нью-Жерсига учаётган рейс вақтида содир бўлган, деб хабар беради TMZ портали.

Эркакнинг хатти-ҳаракати туфайли экипаж йўналишни ўзгартиришга ва самолётни Мэриленд штатидаги Балтимор-Вашингтон халқаро аэропортига қўндиришга мажбур бўлди. Гувоҳларнинг сўзларига кўра, йўловчи маст ҳолатда бўлган ва ўзини тажовузкор тутган.

Аввалига эркак Исо пайғамбар ва дўзахга олиб борадиган йўл ҳақида баланд овозда гапирган. Шовқинга қора танли стюардесса муносабат билдирганидан сўнг, у аёлни ирқчилик иборасини қўллаб ҳақорат қилган. Кейин йўловчи ЛГБТ* вакиллари шаънига ҳақоратли сўзларни бақириб айта бошлаган.

Вазият жисмоний зўравонликка айланиб кетган. Эркак ёнидаги йўловчини уриб, унинг ноутбукини синдирган. Шундан сўнг, у можарога аралашмоқчи бўлган аёлни итариб юборган.

Тартиббузарни тўхтатиш учун экипаж аъзолари уч нафар йўловчига ёпишқоқ лента (скотч) ва бўйинбоғларни берган. Уларнинг ёрдамида эркак парвоз якунига қадар креслога маҳкамлаб қўйилган. ОАВда эълон қилинган фотосуратларда унинг баданида шилинган ва кўкарган жойлар борлиги кўринади.

TMZ томонидан тақдим этилган видеоёзувда экипаж аъзолари ва йўловчилар эркакни креслода ушлаб тургани акс этган. Кадрларга қараганда, у қаршилик кўрсатишда давом этган. Чоп этилган фотосуратларда унинг танаси, қўллари ва ҳатто боши скотч билан боғлаб қўйилганини кўриш мумкин.

Мэрилендга қўнганидан сўнг, самолётни ҳуқуқ-тартибот идоралари ходимлари кутиб олди. Улар бортга чиқиб, эркакни ҳибсга олишди.

TMZ нашрининг қайд этишича, содир бўлган воқеадан кейин йўловчининг ташқи кўриниши тўлиқ скотч билан ўралган ва тўғридан-тўгpи креслога маҳкамланган одамни эслатган.