«Amazon’дан 12 фунтга сотиб олинган ит ўйинчоғи итимни ўлдирди»
Кане-корсо зотидаги итини йўқотганидан сўнг, Антония Спириетт бошқа ит эгаларини арқонли тортиш ўйинчоқларидан огоҳлантирмоқчи.
«Amazon’дан 12 фунтга сотиб олинган ит ўйинчоғи итимни ўлдирди»
Беш ёшли кане-корсо зотига мансуб Кейн арқонли ит ўйинчоғининг бир қисмини ютиб юборгач вафот этди
Ит ўйинчоғининг бир қисмини ютиб юборган уй ҳайвони нобуд бўлган қайғудаги ит эгаси бошқаларни бундай ўйинчоқлар келтириб чиқариши мумкин бўлган хавфлардан огоҳлантирди.
Ланкаширдаги Коппулл шаҳридан бўлган Антония Спириетт ўзи Интернетдан сотиб олган ўйинчоқнинг бир қисмини ютиб юбориш оқибатида келиб чиққан ичак тутилишидан беш ёшли кане-корсо зотига мансуб Кейн лақабли ити ўлганидан кейин BBC билан суҳбатлашди.
«Amazon’дан 12 фунтга сотиб олинган ит ўйинчоғи итимни ўлдирди», деди 31 ёшли аёл. «Ҳеч нарса мени бундай юрак алангасига тайёрламаган эди. Агар сиз арқонли ит ўйинчоқларига эга бўлган ит эгаси бўлсангиз - уларни ташлаб юборинг. Бунга арзимайди.»
Amazon вакили шундай деди: «Биз бу ҳақда эшитиб жуда афсусдамиз. Биз мижоз билан алоқадамиз.»
Антония Кейн унинг «ҳимоячиси» бўлганини айтди
Антония Кейнни кучукчалигидан бери боқиб келганини айтди.
«Кейн ҳар доим ёнимда, худди менинг ҳимоячим каби эди», деди у.
«Ҳатто беш ёшида ҳам у деярли кучукчадек эди - ҳаётга жуда тўла эди.»
Антония 7 октябрь куни 95 кг (15 ст) вазнли уй ҳайвони кечки овқатини емаганида унда нимадир нотўғри эканини тушунганини айтди.
«У ўзини бир оз ғалати тута бошлади», деди у.
«Биз у билан арқон ўйинчоқни ушлаб, уни олдинга ва орқага тортиб, 'арқон тортиш' ўйнаётган эдик.
«Биз ўйинни тўхтатдик ва шундан сўнг у кечки овқатини егиси келмади.»
Эртаси куни Кейн яна овқатдан бош торгч, Антония уни ветеринарга олиб борди.
Кейнга ичак тутилиши ташхиси қўйилди ва унга шошилинч операция керак бўлди.
Антония Кейннинг беш ёш, беш ой ва беш кунлигида вафот этганини айтди
Антония арқонли ўйинчоқ айбдор бўлиши мумкинлигидан гумон қилганини ва тез орада унинг энг ёмон қўрқувлари тасдиқланганини айтди.
«Ветеринар бизга қўнғироқ қилиб, улар уни ёришганини ва арқон ўйинчоқни кўришганини айтди», деди Антония.
«У унинг меъдасига ланггар ташлаган ва ичакларида бўлган - пишлоқ кесадиган симдек ўралиб олган.
«Ветеринарнинг айтишича, арқон Кейннинг ичакларига қон келишини тўсиб қўйган ва улар қора ва тўқ сиёҳранг тусга кирган.
«Бизга қон айланиши қайтиб тикланмаётганини айтишди.
«Уни қутқаришнинг ҳеч қандай иложи йўқ эди.
«Мен ўзимни йўқотиб қўйдим ва ветеринарга 'уни қутқариш учун қилиш мумкин бўлган бирор нарса борми' деб ёлвордим», деди Антония.
«Бироқ ҳеч нарса қилиб бўлмасди. Хайрлашиш учун ветеринар ҳузурига қайтиб боришга бизда 15 дақиқа вақт бор эди.»
Атиги икки кун ичида Антония ёш, «ҳаётга тўла» итга эга бўлишдан севикли Кейни билан хайрлашишгача бўлган йўлни босиб ўтганини айтди.
Антония ҳеч бир ит эгаси у бошидан кечирган нарсаларни бошидан кечирмаслиги учун арқонли ит ўйинчоқларининг мумкин бўлган хавф-хатарлари ҳақида хабардорликни оширишни хоҳлашини айтди.
«Кейн кичик ит эмас эди», деб тушунтирди у. «Унинг бўйи 5 футу 2 дюйм эди ва у ҳақиқий полвон эди.
«Мен худди уни ишончини оқлолмагандек ҳис қилдим.»
Кейннинг ҳикоясини ижтимоий тармоқларда баҳам кўрганидан бери, Антония ўхшаш тажрибага эга бўлган бошқа кўплаб ит эгаларини топганини айтди.
«Олдинга чиқиб, бу бизнинг итимиз билан ҳам содир бўлган деган одамлар сони - жуда кўп», деди у.
«Бу ўйинчоқлар очиқчасига хавфли.
«Ва бу шунчаки битта бренд ёки сотувчи эмас.»
Антония ит ўйинчоқларининг хавфсизлиги бўйича қўшимча қонунчиликни талаб қилувчи петиция бошлади.
У қўшимча қилди: «Бу ҳолат яна такрорланмаслиги учун Кейн учун бир нарса қилишим кераклигини ҳал қилдим.»