Алварес тақдирга тан берди: футболчи жамоадошларидан узр сўради

Алварес жамоадошларидан узр сўради: футболчи тақдирга тан берди

Мадриднинг “Атлетико” клуби ҳужумчиси Хулиан Алварес клубни тарк этиш истаги ҳақида айтган сўзлари учун жамоадошларидан кечирим сўради. Садена СЕР нашрининг хабар беришича, аргентиналик футболчи “Барселона”нинг қизиқиши фонида жамоасини алмаштириш ниятида эканини билдиргани хато бўлганини тан олган.

Манбага кўра, Алварес жамоадошлари билан суҳбатда ўз сўзлари ҳам мазмунан, ҳам шаклан нотўғри бўлганини тан олган ва “Атлетико”га садоқати ҳамма нарсадан устун эканини таъкидлаган. Нашр версиясига кўра, ҳужумчи “Барселона” билан музокаралар чўзилиб кетгани фонида вазиятга кўника бошлаган.

Қайд этилишича, Алвареснинг бу баёноти “Атлетико” “Барселона” билан музокара олиб боришдан бош тортган тақдирда, футболчининг клубга қарши ҳар қандай норозилик ҳаракатларини амалга ошириш эҳтимолини истисно қилади. Бироқ бу футболчининг Мадридни тарк этиш истаги йўқолганини англатмайди.

Аввалроқ “Барселона” клуби спорт директори Деку ўтган ҳафтада Миланнинг “Интер” клуби ҳужумчиси Лаутаро Мартинеснинг вакили билан учрашув ўтказиб, аргентиналик ҳужумчининг Каталония клубига ўтиш имкониятлари муҳокама қилингани ҳақида хабар берилган эди.

Унга кўра, агар Хулиан Алвареснинг “Атлетико”дан трансфери амалга ошмай қолса, каталонияликлар Мартинесни муқобил вариант сифатида кўриб чиқади. Қайд этилишича, каталонияликлар бу борада “Интер” билан музокараларни бошлашга тайёр. Мартинеснинг номи аввал ҳам бир неча бор “Барселона” билан боғланган эди. Бироқ жамоанинг айни пайтда марказий ҳужумчига эҳтиёж сезаётгани бу трансфернинг амалга ошиш эҳтимолини оширади.