Алекс Волкановски фаолиятини қачон якунлайди?

Александр Волкановски фаолиятини қачон якунлайди?

УФС ярим енгил вазн тоифаси чемпиони Александр Волкановски россиялик аралаш яккакураш устаси Мовсар Евлоевга қарши жангдан сўнг фаолиятини якунлаши мумкинлигини маълум қилди.

Австралиялик жангчи ҳозирча спортни тарк этишни режалаштирмаётганини таъкидлади. Бироқ, агар Евлоевга қарши жанг унинг учун оғир кечса, фаолиятини якунлаш ҳақида ўйлаб кўришини билдирди.

"Агар жанг жуда ёмон кечса, фаолиятимни якунлайман. Агар ҳаммаси аввалги жангимдагидек яхши ўца ва жароҳат олмасам, фаолиятимни давом эттираман. Мен ҳар бир жангдан кейин келажагим ҳақида қарор қабул қиламан. Ҳозирча фаолиятимни якунлаш ниятим йўқ ва давом этишимга деярли ишончим комил", деди ярим енгил вазн тоифаси чемпиони.

Александр Волкановски ва Мовсар Евлоев ўртасидаги жанг 24-октябр куни Абу-Дабида УФС 333 турнирининг асосий жанги сифатида ўтказилади.

Евлоев ярим енгил вазн тоифаси рейтингида биринчи рақамли даъвогар ҳисобланади ва профессионал фаолиятида 20 та жангнинг барчасида ғалаба қозонган.

37 ёшли Волкановски эса фаолиятида 28 та ғалаба ва 4 та мағлубият қайд этган. У сўнгги жангини 2026-йил 1-феврал куни УФС 325 турнирида мексикалик Диего Лопесга қарши ўтказган. Жанг тўлиқ беш раунд давом этган. Якунда австралиялик жангчи ҳакамларнинг якдил қарори билан ғалаба қозонган эди.