Ал-Жабр халқаро мактаби Марказий Осиё олимпиадасига мезбонлик қилди

Ал-Жабр халқаро мактаби Марказий Осиё олимпиадасига мезбонлик қилди.

Ал-Жабр халқаро мактаби Марказий Осиёнинг иқтидорли ўқувчиларини бир жойга тўплади. Мактабнинг Сун Лифе оромгоҳида ташкил этилган халқаро олимпиадада Ўзбекистон, Қорақалпоғистон, Қозоғистон ва Қирғизистондан жами 300 га яқин ўқувчи қатнашди. Улар математика, инглиз тили, ИТ, ментал арифметика, араб ва рус тили фанлари бўйича ўз билимларини синовдан ўтказдилар.

Ал-Жабр халқаро мактаби директори Матлуба Караходжаеванинг сўзларига кўра, таълим муассасаси ўқувчилари аввалги йилларда ҳам кўплаб нуфузли халқаро олимпиадаларда муваффақиятли иштирок этиб келган. Бу йил эса мактаб илк бор мезбон сифатида Марказий Осиё давлатлари ўртасидаги халқаро олимпиадани ташкил этди.

Унинг таъкидлашича, ушбу олимпиаданинг асосий мақсади ҳар бир ўқувчига ўз билимини синаб кўриш, халқаро тажриба орттириш ва олдига янада юксак марраларни қўйиш учун имконият яратишдан иборат. Шунингдек, бу йил олимпиада дастурига илк бор ИТ йўналиши ҳам киритилди.

Халқаро олимпиадалар ўқувчилар учун нафақат билим беллашуви, балки халқаро тажриба алмашиш майдони ҳам ҳисобланади. Бундай мусобақалар уларда мустақил фикрлаш, тезкор қарор қабул қилиш ва рақобат муҳитида ўз салоҳиятини намоён этиш кўникмаларини ривожлантиради. Шу билан бирга, иштирокчиларга ўз билим даражасини турли мамлакатлардан келган тенгдошлари билан таққослаш имконини беради.

Бу йилги олимпиаданинг яна бир муҳим жиҳати шундаки, унда қўшни давлатлар билан бир қаторда Ўзбекистоннинг 12 вилоятидан ҳам ўқувчилар қатнашди. Натижада тадбир юзлаб иқтидорли ёшларни бирлаштирган йирик таълим майдонига айланди.

Беллашув жараёнларини ота-оналар ҳам бевосита кузатдилар. Улар фарзандларининг билим савияси, масалаларни ечиш услуби, саҳнадаги ишончи ва рақобат муҳитидаги фаоллигига яқиндан гувоҳ бўлдилар. Бу эса ўқувчилар учун қўшимча мотивация ва масъулият ҳиссини янада оширди.

Ушбу олимпиада ғолиблари учун навбатдаги муҳим босқич ҳам белгиланган. Юқори натижа қайд этган иштирокчилар жорий йилнинг октябр ойида Туркиянинг Истанбул шаҳрида ўтказиладиган халқаро олимпиадада иштирок этиш имкониятини қўлга киритадилар.

Ал-Жабр халқаро мактаби ўқувчилари аввалги йилларда ҳам халқаро олимпиадаларда юқори натижаларни қайд этиб келган. Бу сафар эса таълим муассасаси нафақат иштирокчи, балки мезбон сифатида ҳам юзлаб иқтидорли ўқувчиларни бир майдонга жамлади.

Мактабда ташкил этилаётган бундай халқаро тадбирлар ўқувчиларнинг билимини синовдан ўтказиш билан бирга, уларда соғлом рақобат муҳитида ўсиш, халқаро тажриба орттириш ва келгусида янада йирик ютуқлар сари интилишига хизмат қилмоқда.

Телефон: +99855 500 8485

Рўйхатдан ўтиш учун:

forms.amocrm.ру/рврсмтд

Инстаграм:

instagram.com/al_jabruz/

Телеграм:

t.me/aljabrmaktabi

Реклама ҳуқуқи асосида