Аичи-Нагоя-2026. Ўткирбек Жўраев Осиё ўйинлари чемпионига айланди
Аичи-Нагоя-2026. Ўткирбек Жўраев Осиё ўйинлари чемпионига айланди
Осиё ўйинларида иштирок этаётган Ўзбекистон делегацияси учун бугунги кун жуда сермаҳсул кечмоқда.
Академик эшкак эшиш, каное ва байдарка, шунингдек, ўқ отиш мусобақаларида қатнашган ўзбекистонлик спортчилар бугун совриндорлар сафидан жой олган эди. Энди уларга спорт гимнастикаси ва қиличбозлик вакиллари ҳам қўшилди.
Спорт гимнастикаси бўйича Ўзбекистон терма жамоаси аъзоси Ўткирбек Жўраев олтин медални қўлга киритди.
Дастакли от машқида қатнашган юртдошимиз 14.733 балл билан энг яхши натижани қайд этди.
Қиличбозлик бўйича Ўзбекистон терма жамоаси аъзоси Зайнаб Дайибекова эса финалда икки карра жаҳон чемпиони, япониялик Мисаки Эмурага 14:15 ҳисобида имкониятни бой бериб, кумуш медалга сазовор бўлди.
Шу тариқа Осиё ўйинларида ўзбекистонлик спортчилар қўлга киритган медаллар сони 25 тага етди: 5 та олтин, 12 та кумуш, 8 та бронза.