Афра Сарачоғлу, Ийнемли ва яна 22 киши: Туркияда гиёҳванд моддалар иши бўйича актёрлар қўлга олинди

Афра Сарачўғлу, Ийнемли ва яна 22 киши: Туркияда гиёҳванд моддалар иши бўйича актёрлар қўлга олинди

Туркияда гиёҳвандликка қарши кенг кўламли “Тонг” операцияси давом этмоқда. Ўтган тунда полиция жандармерия билан биргаликда яна бир қатор ҳибсга олишларни амалга оширди. Прокуратура томонидан жами 24 та ордер чиқарилган.

Гиёҳвандликка қарши операция доирасида машҳур турк актёрлари ҳам қўлга олинди. Улар орасида Афра Сарачўғлу, Арас Булут Ийнемли, Мелис Сезен, Мелиса Шенолсун, Ҳазал Филиз Кучуккёсе ва Нилпери Шаҳинкая бор.

Қўлга олинганларнинг барчасининг уйларида тинтув ўтказилади, ундан сўнг улар аввал кўрсатма бериш учун прокуратурага, кейин эса таҳлил топшириш учун Суд тиббиёти марказига олиб борилади. Уларнинг допинг-тест натижалари келаси ҳафтада эълон қилиниши кутилмоқда.

Аввалроқ турк ОАВ 15 нафар машҳур шахс — актёрлар, мусиқачилар, журналистлар, спортчилар ва инфлюенсерлар қўлга олингани ҳақида хабар берган эди. Кейинроқ прокурор 24 кишини қўлга олиш учун ордер бергани, бироқ полиция ва жандармерия ҳозирча улардан атиги 18 нафарини топа олгани маълум бўлди.

Қўлга олинган актёрларнинг оила аъзолари ҳам, менежерлари ҳам ҳозирча ҳеч қандай изоҳ бермади. Бироқ Шенолсун, Сарачўғлу, Ийнемли ва Кучуккесенинг мухлислари таҳлил натижалари манфий чиқишига умид билдирмоқда.