АДМ Глобал Ўзбекистонда гибрид ва электромобиллар чиқаришни бошлайди
АДМ Глобал компанияси Чанган, Черй ва Ҳавал брендларининг гибрид ва электр автомобилларини чиқаришни бошлайди. Корхона Жанубий Кореянинг ДК&Г фирмаси билан СКД ишлаб чиқаришни саноат жиҳозлари билан таъминлаш бўйича битим тузди. Қурилишга 100 млн долларгача инвестиция киритилади.
АДМ Глобал Ўзбекистонда гибрид ва электромобил ишлаб чиқаришни йўлга қўяди
АДМ Жиззакҳ ва Жанубий Кореянинг ДК&Г компанияси гибрид ҳамда электромобилларни СКД ишлаб чиқариш (йирик бўлмаган узеллардан йиғиш) учун саноат ускуналари билан таъминлаш юзасидан келишув имзолади.
АДМ Жиззакҳ автозаводи ҳудудида янги ишлаб чиқариш мажмуаси қурилиши бошланган. У ерда Чанган брендининг, аввало УНИ-Э модели, шунингдек Черй ва Ҳавал автомобилларининг гибрид ҳамда электр версияларини ишлаб чиқариш режалаштирилмоқда.
СКД технологияси бўйича ишлаб чиқариш тўлиқ жараённи — кузовни пайвандлаш ва бўяшдан бошлаб, тайёр автомобилни якуний йиғиш ҳамда сифат назоратигача бўлган босқичларни қамраб олади. Ҳозирда АДМ Жиззакҳъда айнан шу технология асосида ички ёнув двигателли Киа автомобиллари ишлаб чиқарилмоқда.
Янги мажмуанинг асосий жиҳати шундаки, бир ишлаб чиқариш линиясида турли бренд автомобилларини чиқариш имконияти бўлади. Компания таъкидлашича, бу технологик ечим АДМ Жиззакҳ ва ДК&Г мутахассисларининг биргаликдаги муҳандислик ишлари доирасида амалга оширилади. Маҳсулотлар ҳам Ўзбекистон ички бозорига, ҳам экспортга йўналтирилади.
Янги энергия манбаларидаги автомобиллар (НЕВ) йўналишини ривожлантириш доирасида АДМ Глобал Ўзбекистон бозорига ишлаб чиқаришни маҳаллийлаштириш даражаси юқори бўлган бир нечта гибрид ва электромобил моделларини олиб киришни режалаштирмоқда.
“АДМ Глобалънинг стратегик вазифаси шунчаки янги моделларни ўзлаштириш эмас, балки “автомобилсозлик, компонентлар ишлаб чиқариш, хусусий муҳандислик компетенсияларини ривожлантириш ва илғор технологияларни жорий этишни бирлаштирган замонавий саноат экотизимини шакллантириш”дан иборат”, — деди АДМ Глобал бош директори Дониёр Давлетияров.
АДМ Глобал компаниялар гуруҳи (Рооделл МЧЖ) 2014-йилда ташкил этилган бўлиб, енгил ва тижорат автомобилларини дистрибуция қилиш, маҳаллий ишлаб чиқариш, сотиш ҳамда уларга хизмат кўрсатишга ихтисослашган. Компания Киа, Черй, Ҳавал, Танк, Чанган, Ҳюндаи Труск & Бус каби брендлар билан ҳамкорлик қилади ва Ўзбекистон бўйлаб 115 дан ортиқ дилерлик марказларига эга.