Абдулазиз Абдулхаков Яшнобод тумани ҳокими бўлди
Абдулазиз Абдулхаков Тошкентнинг Яшнобод тумани ҳокими этиб тасдиқланди. У 2025-йилдан буён УЕТ Сонструстион компаниясининг ижтимоий обьектларни қуриш департаментини бошқариб келаётган эди. У бу лавозимда Бахтиёр Раҳмонқуловнинг ўрнини эгаллади.
Абдулазиз Абдулхаков Яшнобод тумани ҳокими этиб тайинланди
Абдулазиз Ахатович Абдулхаков Тошкент шаҳрининг Яшнобод тумани ҳокими лавозимига тасдиқланди. Бу ҳақда пойтахт ҳокимлиги матбуот хизмати маълум қилди.
У 1980-йилда Тошкент шаҳрида туғилган. 2006-йилда Тошкент давлат техника университетини тамомлаган.
Меҳнат фаолияти давомида ҳокимлик тизимида қурилиш, архитектура ва коммунал хўжалик йўналишларида бир қатор масъул лавозимларда ишлаган.
2025-йилдан бошлаб Тошкентдаги УЕТ Сонструстион МЧЖда ижтимоий обьектларни қуриш департаменти директори сифатида фаолият юритган.
УЕТ Сонструстион — 2023-йилда Тошкентда ташкил этилган муҳандислик-қурилиш компанияси. У энергетика, саноат ва инфратузилма обьектларини лойиҳалаш, жиҳозлар ва материаллар билан таъминлаш ҳамда қуриш билан шуғулланади, Янги Тошкент лойиҳаларида иштирок этмоқда.
Бунгача Яшнобод туманига 2020-йил августда ушбу лавозимга тасдиқланган Бахтиёр Раҳмонқулов раҳбарлик қилган. У бошқа ишга ўтиши муносабати билан лавозимидан озод этилди.
Туман ҳокими этиб тайинлангунига қадар Тошкент шаҳар ҳокимининг ўринбосари — Уй-жой коммунал хизмат кўрсатиш бош бошқармаси бошлиғи лавозимида ишлаган.