2036-йилги Олимпиада қаерда бўлади?
2036-йилги ёзги Олимпия ўйинларига мезбонлик қилиш учун курашаётган давлатлар сони еттитага чиқди. Халқаро олимпия қўмитаси (ХОҚ) эълон қилган рўйхатга кўра, тўрт йилликнинг энг йирик спорт тадбирига мезбонликка даъвогарлар қуйидагилар:
Бошқа мамлакатлар ҳам ушбу рўйхатга қўшилиш имкониятига эга. Ариза топшириш муддати — 31-октябргача.
Мусобақа мезбонлиги учун якуний даъвогарлар рўйхати (шорт-лист) 2027-йил мартида тасдиқланади. ХОҚ асосий номзодларни 2028-йил охирида эълон қилишни режалаштирган, якуний қарор эса 2029-йил ўрталарида овоз бериш орқали қабул қилинади.
Ҳиндистон ўз тарихида илк бор Олимпиадани ўтказиш учун ариза берди.
Қатар мусобақани Доҳа шаҳрида ўтказишни истамоқда. Бироқ ёздаги кучли иссиқ сабаб, худди ЖЧ-2022 дагидек, Олимпия ўйинларини куз фаслига кўчиришга тўғри келиши мумкин.
ЖАР ғолиб чиқса, Олимпиадани қабул қилган илк Африка давлати бўлади.
Баъзи давлатлар 2036-йилдан кейинги, хусусан 2040 ва 2044-йилги ёзги Ўйинларни ўтказиш бўйича ХОҚ билан ҳозирданоқ норасмий музокараларни бошлаб юборган.
Эслатиб ўтамиз, яқин йиллардаги тўртта Олимпиада мезбонлари аллақачон маълум: 2028-йилда Лос-Анжелес (АҚШ), 2030-йилда Франсия Алп тоғлари, 2032-йилда Брисбен (Австралия) ва 2034-йилда Юта (АҚШ) спорт байрамига мезбонлик қилади.