15 йил ичида Ўзбекистоннинг бир аҳолисига тўғри келадиган уй-жой майдони 15 дан 19,2 кв. метргача кўпайди
2025 йилда Ўзбекистоннинг бир нафар аҳолисига ўртача 19,2 кв. м умумий уй-жой майдони тўғри келди. 15 йил ичида ушбу кўрсаткич 4,2 кв. м га ёки 28 фоизга ошди, бунда энг сезиларли ўсиш 2020 йилдан кейинги даврга тўғри келди. 2025 йилда Ўзбекистон аҳолисининг уй-жой билан ўртача таъминланганлиги бир кишига 19,2 кв. м умумий майдонни ташкил этди, [...]
15 йил ичида Ўзбекистоннинг бир аҳолисига тўғри келадиган уй-жой майдони 15 дан 19,2 кв. метргача кўпайди
2025 йилда Ўзбекистоннинг бир аҳолисига ўртача 19,2 кв. метр умумий уй-жой майдони тўғри келди. 15 йил ичида ушбу кўрсаткич 4,2 кв. метрга ёки 28 фоизга ошди, бунда энг сезиларли ўсиш 2020 йилдан кейинги даврга тўғри келди.
Миллий статистика қўмитаси маълумотларига кўра, 2025 йилда Ўзбекистон аҳолисининг уй-жой билан ўртача таъминланганлиги бир кишига 19,2 кв. метр умумий майдонни ташкил этди.
Сўнгги 15 йил ичида кўрсаткич 2010 йилдаги 15 кв. метрдан 2025 йилда 19,2 кв. метргача кўтарилди. Бошқача айтганда, бир аҳолига тўғри келадиган уй-жой майдони 4,2 кв. метрга кўпайди — ўсиш 28 фоизни ташкил этди.
Бунда ўзгаришлар нотекис юз берди. 2010–2020 йилларда кўрсаткич бор-йўғи 1 кв. метрга — 15 дан 16 кв. метргача ошди.
Шундан сўнг ўсиш суръатлари сезиларли даражада тезлашди. 2021 йилда уй-жой билан таъминланганлик даражаси бирданига бир кишига 18,2 кв. метргача ошди, 2022 йилда эса 18,5 кв. метрга етди.
Шундан кейин кўрсаткич аста-секин ўсишда давом этди:
2010 йил — 15,0 кв. м
2015 йил — 15,2 кв. м
2020 йил — 16,0 кв. м
2021 йил — 18,2 кв. м
2022 йил — 18,5 кв. м
2023 йил — 19,0 кв. м
2024 йил — 18,9 кв. м
2025 йил — 19,2 кв. м
2024 йилдаги бироз пасайишдан сўнг, кўрсаткич яна ўсди ва 2025 йилда кўриб чиқилаётган бутун давр учун максимал даражага етди.
Умуман олганда, статистика шуни кўрсатадики, 15 йил ичида мамлакатнинг бир аҳолисига тўғри келадиган ўртача уй-жой майдони деярли учдан бирга кўпайган.