14 млрд сўмлик тиббий жиҳозлар тендери бекор қилинди
ССВ ҳузуридаги Харидлар маркази ўтказган тендерда рақобатни чеклаши мумкин бўлган ҳаракатлар аниқланди. Қонун талаблари бузилгани
14 млрд сўмлик тиббий жиҳозлар хариди бўйича тендер бекор қилинди
Рақобат қўмитаси «Скймед-Течнологиес» МЧЖ мурожаати асосида Соғлиқни сақлаш вазирлиги ҳузуридаги Харидлар маркази давлат муассасаси буюртмачилигида тиббий жиҳозлар хариди учун ўтказилган тендерни ўрганиб чиқди.
Тендернинг бошланғич қиймати 14 млрд сўмни ташкил этган. Текширув давомида савдонинг «Рақобат тўғрисида»ги қонун талабларига мослиги кўриб чиқилди.
Натижада Харидлар маркази томонидан мазкур қонуннинг 29-моддаси талаблари бузилгани аниқланди. Хусусан, савдоларда рақобатни чеклайдиган ёки чеклашга олиб келиши мумкин бўлган ҳаракатлар қайд этилди.
Аниқланган ҳолатлар бўйича кўрилган чоралар натижасида Харидлар маркази давлат муассасаси ўтказган тендер белгиланган тартибда бекор қилинди.
Рақобат қўмитасининг ўрганиши мурожаат асосида амалга оширилган бўлиб, қонунбузилиш аниқлангач тендерни бекор қилиш чораси кўрилди.