1 октябрдан Тошкентда йўл ҳақи ва бир ойлик йўл чипталари нархи оширилади
1 октябрдан Тошкентда автобус ва метро йўл ҳақи ўзгаради. Шу билан бирга, бир ойлик йўл чипталари нархи ошади ва янги қатнов пакетлари жорий этилади. Карта ёки бошқа электрон усул билан тўланганда бир марталик йўл ҳақи амалдаги 1 700 сўм ўрнига 2 500 сўмни ташкил этади. Нақд пул билан тўланганда йўл ҳақи 3 000 сўм, багаж ташиш эса 4 000 сўм бўлади […]
1 октябрдан Тошкентда автобус ва метро йўл ҳақи, шунингдек, ойлик йўл чипталари нархи ошади. Бундан ташқари, янги сафар пакетлари жорий этилади.
Карта ёки бошқа электрон усулда тўланганда бир марталик йўл ҳақи амалдаги 1 700 сўм ўрнига 2 500 сўмни ташкил этади. Нақд пул билан тўланганда йўл ҳақи 3 000 сўм, багаж ташиш эса 4 000 сўм бўлади.
Автобус учун ойлик йўл чиптаси 250 минг сўм туради. Автобус ва метро учун аралаш (комбинацияланган) ойлик йўл чиптаси эса 345 минг сўмга тушади.
Шунингдек, 10, 20 ва 30 та сафардан иборат пакетлар жорий этилади. Уларнинг нархи мос равишда 19 минг, 38,5 минг ва 57,5 минг сўмни ташкил қилади.
Бир соат ичида бошқа транспортга ўтилганда, биринчи сафар 2 500 сўм, иккинчиси — 1 500 сўм бўлади. Учинчи ва ундан кейинги сафарлар бепул бўлади.
Агар йўналиш метродан бошланса, автобусдаги кейинги иккита сафарнинг ҳар бири 1 500 сўмдан бўлади.