1 ноябр санасида дунёда нималар рўй берган?
Бугун кузнинг учинчи ойи бошланди. 1 ноябр санаси жаҳон тарихида ноёб санъат асарлари намойишидан тортиб,
1 ноябр куни дунёда нималар юз берган?
Бугун кузнинг учинчи ойи бошланди. 1 ноябр санаси жаҳон тарихида ноёб санъат асарларининг намойишидан тортиб, вайронкор зилзилалар, давлатлар тақдири ва илмий кашфиётларгача бўлган кўплаб муҳим воқеалар билан муҳрланган. Бу кун айрим мамлакатларда «Барча авлиёлар куни» сифатида нишонланади. Мексикада эса «Ўликлар куни» (
Дíа де Муертос
) байрами билан боғлиқ маросимлар ўтказилади.
1404 йил – Амир Темур саройида тарихий учрашув.
Испания элчиси Руи Гонсалес де Клавихо кундаликларига кўра, 1 ноябр куни Самарқанддаги элчилар Соҳибқирон Амир Темур ҳузурига қайтиш учун рухсат сўраб боришган. Бу қайдлар ўша давр дипломатик муносабатлари ҳақида муҳим маълумот беради.
1512 йил – Микеланжелонинг шоҳ асари намойиш этилган.
Ватикандаги Сикстин капелласи шифтига машҳур рассом Микеланжело чизган фрескалар илк бор оммага кўрсатилди. Улар орасидаги «Одам Атонинг яратилиши» тасвири жаҳон санъатининг энг машҳур асарларидан бирига айланди.
1755 йил – Лиссабонни вайрон қилган зилзила.
Португалия пойтахтида кучли ер силкиниши юз берди. Ундан кейинги ёнғинлар ва сунами шаҳарга катта талафот етказди. Ҳалок бўлганлар ўн минглаб кишини ташкил этган.
1800 йил – АҚШ президенти Оқ уйга кўчиб кирди.
Президент Жон Адамс рафиқаси Абигаил билан ҳали тўлиқ битказилмаган президент қароргоҳига кўчиб ўтди. У Оқ уйда яшаган биринчи Америка президенти бўлди.
1894 йил – Россиянинг сўнгги императори тахтга чиқди.
Александр ИИИ вафотидан сўнг Николай ИИ Россия императори бўлди. Унинг ҳукмронлиги 1917 йилги инқилоблар билан якунланди. Кейинчалик Николай ИИ оила аъзолари билан бирга қатл этилди.
1911 йил – самолётдан илк бор бомба ташланди.
Италиялик ҳарбий учувчи Жулио Гавотти Ливиядаги Италия–Туркия уруши пайтида самолётдан қўл бомбаларини ташлади. Бу ҳарбий авиация тарихидаги илк ҳаво бомбардимонларидан бири эди.
Қарор Туркия Буюк Миллат Мажлиси томонидан қабул қилинган ва қарийб олти асрлик султонлик ҳукмронлигига нуқта қўйган.
1950 йил – АҚШ президентига суиқасд уюштирилди.
Пуерториколик икки миллатчи Вашингтонда президент Гарри Трумен яшаб турган Блер-ҳаусга ҳужум қилди. Суиқасд амалга ошмади, бироқ ҳужумчилардан бири, оқ уй полициячиси ва бошқа иштирокчилар ҳалок бўлди (баъзи маълумотларга кўра жароҳатланган).
1952 йил – биринчи термоядровий бомба синовдан ўтказилди.
АҚШ Тинч океанидаги Эниветок атоллида «Айви Майк» деб номланган қурилмани портлатди. Бу водород бомбаси технологияси ривожида тарихий, айни пайтда инсоният учун хавфли бурилиш бўлди.
1963 йил – Аресибо радиотелескопи ишга туширилди.
Пуерто-Рикода улкан радиотелескопнинг очилиш маросими ўтказилди. У ўнлаб йиллар давомида коинотни ўрганиш ва радиосигналларни кузатишда муҳим илмий марказ бўлиб хизмат қилди. 2020 йилда эса иншоот қулаб тушди.
1991 йил – Ўзбекистон Халқ Демократик Партияси ташкил топди.
1 ноябр куни партиянинг И таъсис қурултойи бўлиб ўтди. Унда партия устави ва дастури қабул қилинди, Маҳмуджон Расулов Марказий Кенгашнинг биринчи котиби этиб сайланди.
1993 йил – Европа Иттифоқи расман қайд этилди.
Маастрихт шартномаси кучга кирди. Бу воқеа Европа давлатлари ўртасидаги сиёсий ва иқтисодий интеграциянинг янги босқичини бошлаб берди.
2002 йил – Шаҳрисабзнинг 2700 йиллиги нишонланди.
Қадимий Шаҳрисабз шаҳрининг 2700 йиллигига бағишланган тантаналар ўтказилди. Амир Темур туғилган ушбу шаҳар Ўзбекистоннинг энг муҳим тарихий-маданий марказларидан бири ҳисобланади.