1 июлдан Ўзбекистонда энергия тарифлари учун ягона рақамли платформа ишга туширилади

2027 йил 1 июлдан Ўзбекистонда ёқилғи-энергетика соҳасида тарифларни шакллантириш ва назорат қилиш бўйича ягона рақамли платформани жорий этиш режалаштирилмоқда. Бу Президентнинг 2026 йил 22 сентябрдаги ПФ-202-сонли фармонида кўзда тутилган.

Платформа тариф талабномалари ва ҳисоб-китоблар учун зарур бўлган маълумотларни электрон шаклда қабул қилади. Тарифларни ҳисоблаш жараёнини тасдиқланган тартиб асосида автоматлаштириш режалаштирилган.

Бундан ташқари, тизим тариф талабномаларини текширади ва қабул қилинаётган қарорлар корхоналарнинг молиявий барқарорлиги ҳамда бюджетга қандай таъсир кўрсатишини баҳолайди. Тарифларни кўриб чиқиш, тузатиш киритиш ва келишиш жараёнлари рақамли форматга ўтказилади.

Шунингдек, тарифларни давлат томонидан тартибга солиш бўйича ягона электрон маълумотлар базаси яратилади. Платформа электр энергияси, табиий ва суюлтирилган газ истеъмолчиларидан тушадиган маблағлар тақсимланишининг шаффофлигини таъминлаши лозим.

Шу фармон билан йирик истеъмолчилар учун электр энергияси қийматини куннинг вақтига қараб ҳисоблаш тартиби ҳам ўзгартирилди. Соат 09:00 дан 17:00 гача улар учун 1,5 камайтирувчи коэффициент амал қилади.