УзАуто Моторс қарийб 400 мингта автомобил сотди, ўртача нарх 10,6 минг долларга етди — Фитч
2025-йилда УзАуто Моторс қарийб 400 мингта автомобил сотди, ички бозорда бир автомобилнинг ўртача нархи $10 мингдан $10,6 минггача ошди. Компания тушуми $4,1 млрдни ташкил этди. Фитч компания давлат қўллаб-қувватлашига юқори даражада боғлиқлигини қайд этиб, унинг рейтингини оширди.
УзАуто Моторс қарийб 400 мингта автомобил сотди, ўртача нарх 10,6 минг долларга етди — Фитч
Фитч Ратингс халқаро рейтинг агентлиги УзАуто Моторс автомобил ишлаб чиқарувчи компаниясининг кредит рейтингини “ББ-"дан “ББ"га оширди. Рейтинг бўйича прогноз эса “барқарор” деб белгиланди.
Рейтингнинг ошиши компаниянинг мустақил кредит профили “б-"дан “б"га яхшилангани билан боғлиқ. Фитч буни евробондларнинг муваффақиятли қайта молиялаштирилиши, ликвидлик захираси ошиши ва 2026−2029-йилларда эркин пул оқими ижобий бўлиши кутилаётгани билан изоҳлади.
УзАуто Моторс рейтинги, шунингдек, агентликнинг компаниянинг билвосита аксиядори бўлган Ўзбекистон ҳукумати томонидан қўллаб-қувватлаш эҳтимоли “ўта юқори” деб баҳоланиши билан ҳам таъминланади. Натижада автомобил ишлаб чиқарувчининг рейтинги мамлакатнинг суверен рейтинги — “ББ"га тенглаштирилди.
2025-йил ноябр ойида УзАуто Моторс 2026-йил май ойида сўндирилиши лозим бўлган 300 млн долларлик евробондларни қайта молиялаштирди. Компания 2030-йил ноябр ойида сўндириладиган 350 млн долларлик янги облигацияларни чиқарди.
Олинган маблағлар аввалги евробондлар ва маҳаллий банклар кредитларининг бир қисмини сўндиришга йўналтирилди. Фитч баҳосига кўра, қайта молиялаштириш ва ликвидликнинг яхшиланиши компания мустақил кредит профилининг оширилишига асосий омил бўлган.
2025-йил якунига кўра, УзАуто Моторсънинг пул маблағлари ҳажми бир йил аввалги 42,8 млн долларга нисбатан 89,5 млн долларга етган. Бундан ташқари, компания экспорт-кредит агентлиги кредит линияси ва синдикатлашган қарз доирасида яна 70 млн доллардан фойдаланиш имкониятига эга бўлган.
Фитч 2026−2029-йилларда УзАуто Моторс ликвидлиги ижобий эркин пул оқими ҳисобидан қўллаб-қувватланишини кутмоқда. Бунга айланма капиталга бўлган эҳтиёжнинг қисқариши, жумладан, компания илгари жисмоний шахсларга тақдим этган автокредитларнинг босқичма-босқич қайтарилиши ҳисса қўшиши керак.
Шу билан бирга, агентлик айланма капиталдаги ўзгаришлар пул оқими ва ликвидликни ёмонлаштириши мумкинлигидан огоҳлантирди.
Сўнгги икки йил давомида УзАуто Моторсънинг тушуми ва фойдалилиги Ўзбекистонда талабнинг сусайиши ҳамда кредитлаш шароитларининг ёмонлашиши туфайли босим остида бўлди.
Бироқ, 2025-йилда компания қарийб 400 мингта автомобил сотди. Ички бозорда битта автомобилнинг ўртача нархи ўтган йил июл ойидаги 10 минг доллардан 10,6 минг долларгача ошди.
Тушум 4,1 млрд долларни, Фитч методологияси бўйича ЭБИТДА (қарзлар бўйича фоизлар, солиқлар ва амортизация ҳисобга олинмасдан компаниянинг асосий фаолиятидан олинган фойда) эса 355 млн долларни ташкил этди. Ҳар икки кўрсаткич агентлик прогнозларидан — мос равишда 3,7 млрд ва 307 млн доллардан юқори бўлди.
Шу билан бирга, эркин пул оқими манфийлигича қолиб, минус 52 млн долларни ташкил этди. Бунинг асосий сабаби жисмоний шахсларнинг уларга берилган автокредитлар бўйича қарздорлиги ошгани бўлди.
Фитч 2026-йилдан бошлаб қарздорлик қайтарилиши ва УзАуто Моторс аҳолига автомобил харидини тўғридан-тўғри молиялаштириш амалиётидан воз кечиши ортидан пул оқими ижобий бўлишини кутмоқда.
Фитчънинг базавий прогнозига кў