Трамп ракета етишмовчилиги сабаб Пентагон раҳбаридан тушунтириш талаб қилди — ВП

Трамп ракета танқислиги сабабли Пентагон раҳбаридан изоҳ талаб қилди — ВП

Вашингтон Пост нашрининг ўз манбаларига таяниб хабар беришича, АҚШ президенти Доналд Трамп ракеталар етишмовчилиги юзасидан Пентагон раҳбари Пит Ҳегсетдан тушунтириш сўраган.

Трампнинг норозилиги ўтган ҳафта Кемп-Девидда бўлиб ўтган йиғилишда билдирилган. Президент ўқ-дорилар тақчиллиги муаммоси аллақачон ҳал қилинган деб ҳисоблаганини айтган. Ҳегсет эса ўзини оқлашга уриниб, етарли маълумот берилмагани учун айбни ўринбосари Стивен Файнбергга юклаган.

Қайд этилишича, айнан қурол-яроғ танқислиги Трампнинг сўнгги кунларда Эронга қарши янги зарбалар беришдан воз кечишига сабаб бўлган. Оқ уй матбуот котиби Каролин Левитт бу маълумотларга муносабат билдириб, Кемп-Девиддаги учрашувда бундай ҳолат юз бермаганини таъкидлади.

“Бу 100 фоиз фейк хабар. Бунақаси ҳеч қачон бўлмаган. Президент Трамп Ҳегсетга тўлиқ ишонч билдиради”, деди у.

Пентагон ҳам улар ўртасидаги жанжал ҳақидаги хабарларни уйдирма деб атади. Шунга қарамай, АҚШ Уруш вазирлиги ўтган ҳафта охирида Конгрессдан Эрон билан уруш харажатларини қоплаш ҳамда қурол-яроғ захираларини тиклаш учун қўшимча 67 миллиард доллар сўради. СНН ва Стратегик ҳамда халқаро тадқиқотлар маркази (ССИС) маълумотларига кўра, ушбу захираларнинг бир қисми кескин даражада камайиб кетган.

ССИС ҳисоб-китобларига кўра, АҚШ 27-февралдан 27-июлгача бўлган даврда Эрон билан уруш чоғида 1,5 мингдан 1,6 минггача Патриот ракетаси ва 200 га яқин ТҲААД тутиб олувчи ракеталарини сарфлаган. Натижада Патриот захиралари 2,3 мингдан тахминан 760–830 донагача, ТҲААД арсенали эса 452 тадан 234–278 донагача қисқарган ва бу ҳаво ҳужумидан мудофаа воситаларининг сезиларли тақчиллигига олиб келган.

Аввалроқ Реутерс манбалари АҚШ армияси Эрон билан кечаётган беш ойлик уруш давомида ўзининг юқори аниқликдаги узоқ масофага учувчи ракеталари захирасининг катта қисмини сарфлаб бўлганини айтганди.

Бу ҳолат ҳарбийларнинг келгусидаги можароларга тайёргарлик даражаси бўйича хавотирларни келтириб чиқарган. Манбаларнинг иккитасига кўра, гап асосан Армй Тастисал Миссиле Сйстемс (АТАСМС) ва Пресисион Стрике Миссилес (ПрСМ) номли ракеталар ҳақида бормоқда. АҚШ ушбу қуролларнинг “деярли барчасини” ишлатиб бўлгани таъкидланганди.