Тошкентда зилзила содир бўлди

Тошкентда ер силкиниши қайд этилди.

Жорий йилнинг 31-июл куни соат 16:13 да Тошкент вилоятининг Зангиота туманида 2,8 магнитудали зилзила юз берди.

Ерости силкинишлари қуйидаги ҳудудларда сезилган:

* Учтепа тумани — 3 балл;

* Шайхонтоҳур тумани — 2–3 балл;

* Чилонзор тумани — 2–3 балл;

* Олмазор тумани — 2 балл;

* Зангиота тумани — 2 балл;

* Юнусобод тумани — 2 балл;

* Яккасарой тумани — 2 балл;

* Сергели тумани — 2 балл;

* Миробод тумани — 2 балл.

Фавқулодда вазиятлар вазирлигининг хабар беришича, зилзила оқибатида ҳеч қандай талафотлар қайд этилмаган.

Эслатиб ўтамиз, Тошкент шаҳрида бундан аввалги сезиларли ер силкиниши жорий йилнинг 27-июн куни Афғонистоннинг Бадахшон ҳудудида содир бўлган 6,8 магнитудали зилзила натижасида кузатилган бўлиб, пойтахтда 2–3 балл даражасида сезилган эди.