Тошкент қурилиш ишлари ҳажми бўйича етакчиликни сақлаб қолди
2026 йилнинг биринчи ярмида Ўзбекистонда қурилиш ишлари ҳажми 192 трлн сўмга етди. Энг юқори кўрсаткич Тошкент шаҳрида қайд этилди.
Тошкент қурилиш фаолияти бўйича етакчиликни сақлаб қолди
Тошкент, Ўзбекистон (UzDaily.uz) — Миллий статистика қўмитасининг маълумотларига кўра, 2026-йилнинг январ-июн ойлари давомида Ўзбекистонда амалга оширилган қурилиш ишлари умумий ҳажми 192,0 триллион сўмга етди.
Ушбу даврда Тошкент шаҳри 61,2 триллион сўмлик қурилиш ишлари билан энг юқори кўрсаткични қайд этиб, етакчиликни қўлдан бой бермади. Иккинчи ўринни 18,8 триллион сўм билан Тошкент вилояти эгаллаган бўлса, Фарғона вилояти 12,1 триллион сўм билан учинчи поғонадан жой олди.
Энг кўп қурилиш ишлари бажарилган ҳудудлар бешлигига, шунингдек, 10,7 триллион сўмлик кўрсаткич билан Бухоро вилояти ва 9,9 триллион сўм билан Самарқанд вилояти ҳам кирди.
Қашқадарё вилоятида қурилиш ишлари ҳажми 9,4 триллион сўмни, Андижон вилоятида 9,0 триллион сўмни, Навоий вилоятида 8,6 триллион сўмни, Хоразм вилоятида 8,5 триллион сўмни, Наманган вилоятида эса 8,4 триллион сўмни ташкил этди.
Ҳисобот даврида Сурхондарё вилоятида 7,9 триллион сўмлик, Қорақалпоғистон Республикасида 6,6 триллион сўмлик, Жиззах вилоятида 4,8 триллион сўмлик, Сирдарё вилоятида эса 3,7 триллион сўмлик қурилиш ишлари амалга оширилди.