Тошкент аеропортида “СунЕхпресс” авиакомпаниясининг Измирдан илк парвози кутиб олинди

Тошкент халқаро аеропортида Туркиянинг "СунЕхпресс" авиакомпанияси Измирдан илк бор мунтазам рейсни амалга оширди.

Тошкент, Ўзбекистон (UzDaily.uz) — Туркиянинг "СунЕхпресс" авиакомпанияси Измир – Тошкент – Измир йўналиши бўйича биринчи мунтазам парвозини Тошкент халқаро аеропортида тантанали равишда нишонлади. Авиация ан'аналарига кўра, самолёт сув аркаси билан кутиб олинди, терминалда эса биринчи йўловчилар учун миллий ширинликлар ва байрамона фотоҳудуд ташкил этилди. Ушбу илк рейс билан Тошкентга 170 нафар йўловчи етиб келди, қайтиш рейси билан Измирга эса 169 нафар йўловчи жўнаб кетди.

Бу янги йўналишнинг очилиши Ўзбекистон ва Туркия ўртасидаги ҳаво қатновини ривожлантиришда муҳим қадам бўлди. Тарихда биринчи марта Тошкент ва Измир шаҳарлари ўртасида тўғридан-тўғри мунтазам авиақатнов йўлга қўйилди. Рейслар ҳафтасига тўрт марта — сешанба, чоршанба, жума ва якшанба кунлари Боеинг 737-800 самолётларида амалга оширилади. Бу эса икки мамлакат ўртасидаги сайёҳлик, бизнес ва маданий алоқаларни янада мустаҳкамлашга хизмат қилади.

"Узбекистан Аирпорц" компанияси учун "СунЕхпресс" авиакомпаниясининг Тошкентга парвозларни йўлга қўйиши йўналишлар тармоғини кенгайтиришда муҳим босқич ҳисобланади. Туркиянинг яна бир авиакомпаниясининг пойтахт авиация бозорига кириб келиши — ҳозирда Ўзбекистон ва Туркия ўртасида "Туркиш Аирлинес" ҳамда "АЖет" ҳам мунтазам парвозларни амалга оширмоқда — ушбу йўналишда рақобатни кучайтиришга, йўловчилар учун парвозлар ва тарифлар танловини янада кенгайтиришга хизмат қилади.

"СунЕхпресс" — Туркиянинг йирик авиакомпанияларидан бири бўлиб, 1989-йилда "Туркиш Аирлинес" ва "Луфтҳанса" компанияларининг қўшма корхонаси сифатида ташкил этилган. Авиакомпания Анталия ва Измир шаҳарларида жойлашган бўлиб, Европа, Яқин Шарқ, Шимолий Африка ва Марказий Осиёнинг 37 та мамлакатидаги 250 дан ортиқ йўналиш бўйича мунтазам парвозларни амалга оширади.