Шавкат Мирзиёев давлат ташрифи билан Қирғизистонга жўнаб кетди
Ўзбекистон президенти Шавкат Мирзиёев Қирғизистон президенти Садир Жапаровнинг таклифига биноан давлат ташрифи билан Қирғизистонга жўнаб кетди. Ташриф доирасида Чўлпонота шаҳрида олий даражадаги икки томонлама музокаралар ҳамда Марказий Осиё ва Озарбойжон давлат раҳбарларининг норасмий Маслаҳат учрашуви бўлиб ўтади.
Шавкат Мирзиёев Қирғизистонга давлат ташрифи билан йўл олди
Ўзбекистон Республикаси Президенти Шавкат Мирзиёев 30-июл куни Қирғизистон Президенти Садир Жапаровнинг таклифига биноан давлат ташрифи билан Қирғизистонга жўнаб кетди.
Ташрифнинг асосий тадбирлари Қирғизистоннинг Чўлпонота шаҳрида бўлиб ўтади. Бу ерда Ўзбекистон ва Қирғизистон раҳбарлари иштирокида олий даражадаги икки томонлама музокаралар ўтказилади.
Музокаралар давомида икки мамлакат ўртасидаги стратегик шериклик ва иттифоқчилик муносабатларини янада мустаҳкамлаш, савдо-иқтисодий, инвестициявий, транспорт-коммуникация, энергетика, сув ресурслари, маданий-гуманитар ва бошқа устувор йўналишлардаги ҳамкорликни кенгайтириш масалалари муҳокама қилиниши режалаштирилган.
Шунингдек, давлат ташрифи доирасида Президент Шавкат Мирзиёев Марказий Осиё мамлакатлари ва Озарбайжон давлат раҳбарларининг норасмий Маслаҳат учрашувида ҳам иштирок этади. Ушбу мулоқот минтақавий ҳамкорликни янада ривожлантириш, хавфсизлик, иқтисодиёт, транспорт, энергетика ва ўзаро манфаатли шерикликнинг долзарб масалаларини муҳокама қилиш учун муҳим платформа бўлиши кутилмоқда.