Қозоғистонлик футболчи "Челси" сафидаги илк ўйинида гол киритди

Қозоғистонлик футболчи Дастан Сатпаев "Челси" либосида дебют голини киритди.

Қозоғистон терма жамоаси ҳужумчиси Дастан Сатпаев "Челси" сафидаги илк ўйинида гол уришга муваффақ бўлди. 17 ёшли футболчи Австралиянинг "Вест Сидней" жамоасига қарши ўртоқлик учрашувининг олтинчи дақиқасида ҳисобни очди.

У майдон марказида тўпни эгаллаб, рақиб ҳимоячисидан ўтиб кетди ва жарима майдончаси ичига кириб, ўнг оёқда кучли зарба билан дарвозани ишғол қилди.

"Челси" Сатпаевни 2025-йил январ ойида "Қайрат" клубидан 4,3 миллион еврога сотиб олган эди. Август ойида 18 ёшга тўладиган ҳужумчи учун бу Лондон клуби сафидаги илк учрашув бўлди.