Одессадаги порт ўққа тутилди: савдо кемаси денгизчилари ҳалок бўлган.

Одессадаги портга ўқ узилди: савдо кемаси денгизчилари ҳалок бўлди. Украина эса Россия яширин флоти танкерларига мунтазам равишда зарба бермоқда.

Россия армияси 13 июл куни Одесса вилоятининг Черноморск шаҳридаги порт инфратузилмасини ўққа тутди, деб ма'лум қилди регион раҳбари Олег Кипер.

Ҳужум натижасида портда турган, Того байроғи остида сузувчи савдо кемасида ёнғин содир бўлди. Кипернинг ма'лумотларига кўра, кемада минерал ўғит юкланган эди. Экипажнинг беш а'зоси ҳалок бўлди, яна ўн киши жароҳатланди. Ҳалок бўлганларнинг қайси давлат фуқаролари эканлиги аниқланмаган.

Бу охирги бир ой ичида Россия зарбаси натижасида савдо кемалари экипажи а'золари ҳалок бўлиши билан боғлиқ учинчи ҳолатдир. 22 июн кечаси дронлар ҳужуми натижасида туркларнинг Панама байроғи остида Украина томон сузаётган юк кемасида ёнғин чиққанди. Натижада кема ошпази ҳалок бўлиб, саккиз денгизчи эвакуация қилинган.

Ушбу воқеадан уч кун олдин Россия дронлари Панама ва Сент-Киц ва Невис байроқлари остида ҳаракатланаётган кемаларга зарба берганди. Биринчи кемада бир киши ҳалок бўлиб, яна икки киши яраланган, иккинчисида эса уч киши жароҳат олган.

Украиналик ҳарбийлар сўнгги вақтларда Азов денгизи акваториясида Россиянинг ғалла ортилган танкерлари ва кемаларига зарба беришни сезиларли даражада кучайтирди.

Украина қуролли кучлари Пилоциз тизимлар кучлари қўмондони Роберт Бровди («Мадяр») 12 июл кунги баёнотида ўтган ҳафта давомида дронлар Россиянинг 90 дан ортиқ савдо кемаларига зарба берганини ма'лум қилди – унинг та'кидлашича, бу кемаларнинг барчаси РФ яширин флоти таркибига киради.

Ушбу давомли зарбалар натижасида камида бир киши ҳалок бўлгани ма'лум – 10 июл куни Таганрог кўрфазида дронларнинг «турли мақсадлардаги» тўртта кемага ҳужуми натижасида матрос ҳалок бўлди, деб хабар берди Ростов вилояти раҳбари Юрий Слюсар.

Ёз бошидан буён Украина қуролли кучлари зарбалари натижасида энг кўп қурбонлар сони 5 июн куни қайд этилган: ўшанда украин дронлари Туркиядан Ростов-Донга келаётган икки кемага ҳужум қилганди. Беш денгизчи ҳалок бўлган, уларнинг барчаси Озарбойжон фуқаролари эди.

Фуқаролик кемаларига ҳужум қилиш жиноят сифатида баҳоланиши мумкин. «Савдо кемалари фуқаролик обектлари ҳисобланади ва агар улар ҳарбий нишон сифатида белгиланган мезонларга мос келмаса, ҳужумдан ҳимояланган бўлади», – деганди БМТ Инсон ҳуқуқлари бўйича олий комиссари бошқармаси апрел ойида, Россия юк кемаси экипажининг уч нафар Украина қуролли кучлари ҳужуми натижасида ҳалок бўлганидан сўнг.

Ўшанда БМТ денгизчилар тинч аҳоли вакиллари эканини ва «қасддан қилинган ҳужумлар нишони бўла олмаслигини» ма'лум қилиб, урушаётган томонлар уларга зарар етказмаслик учун «барча зарур эҳтиёт чоралари»ни кўриши кераклигини эслатганди.

Украина қуролли кучлари бош штаби танкерлар ва паромлар қонуний нишонлар эканини та'кидламоқда, бу танкерлар санксияларни четлаб ўтган ҳолда нефт ташиш учун фойдаланилиши, паромлар эса «РФ қуролли кучлари манфаатлари йўлида юк ташиши» билан изоҳланади. Россия ҳарбийлари Украина кемаларига берган зарбалари юзасидан изоҳ бермаяп