“Нетаняхунинг рафиқаси ва ўғли уйдаги хизматчиларга жисмоний куч ишлатган” — жабрланувчи

"Нетаняхунинг рафиқаси ва ўғли уй хизматчиларига нисбатан жисмоний куч ишлатган" — жабрланувчи

Исроил бош вазири Бинямин Нетаняхунинг расмий қароргоҳида фаолият юритган собиқ ходим ҳукумат раҳбари оиласига қарши жиддий айбловлар билан чиқди. Бу ҳақда Тҳе Тимес оф Исраел нашри хабар берди.

Шахсини ошкор этмасликни сўраган ва "Й" инициали билан кўрсатма берган собиқ ходимнинг сўзларига кўра, бош вазирнинг рафиқаси Сара Нетаняху ходимларга нисбатан жисмоний куч ишлатган, уларни мунтазам равишда камситган ва ирқчилик муносабатида бўлган. Хусусан, Сара Нетаняху хорижлик ищилар ва шарқий келиб чиқишга эга яҳудийларга (мизрахи) иккинчи даражали шахслардек қараган. У тозалаш ишлари сифациз бажарилганини баҳона қилиб, ходимни уч марта итариб юборган.

Хабарда айтилишича, "Собиқ ходим аутизмнинг оғир шаклига эга ўғлини тарбиялаётганини айтганида, Сара Нетаняху уни ҳақорат қилиб, ўзини мамлакатнинг бош психологи деб атаган ва ходимнинг ўзи аутизмдан азият чекаётганини таъкидлаган".

Африкадан келган бошқа бир ходим ҳам доимий таҳқирлашларга дучор бўлган. Сара Нетаняху уни бинога ҳар сафар кирганида тўлиқ ечинишга ва махсус кийим кийишга мажбур қилган. Бундан ташқари, унга ҳатто сув ичиш учун ҳам танаффус берилмагани айтилмоқда.

Гувоҳ Сара Нетаняхуни тозаликка ҳаддан ташқари берилган, инжиқ ва кераксиз буюмларни йиғишга мойил шахс сифатида таърифлаган. Унинг сўзларига кўра, Сара Нетаняхунинг 400 жуфтга яқин поябзали бўлиб, уларни алоҳида тозалаш талаб этилган. Ҳатто бош вазир Бинямин Нетаняху аралашишга уринганида ҳам, Сара унга аралашмасликни айтган ва турмуш ўртоғига қачон, қайси каналда чиқиш қилишигача белгилаб берган.

Й. қароргоҳ полларини болалар учун мўлжалланган нам салфеткалар билан ювишга мажбур бўлганини ва гиламлар устида юришига рухсат берилмаганини айтди. Шунингдек, Нетаняхунинг рафиқаси ювиш пайтида тушиб кетиб, синиши мумкин бўлган ҳар қандай пиёла ёки стакан учун Y.ning ўзи ҳақ тўлашини талаб қилган.

Жабрланувчи нафақат бош вазирнинг рафиқасини, балки уларнинг ўғли Яир Нетаняхуни ҳам жисмоний зўравонликда айбламоқда. Мурожаатчининг сўзларига кўра, Яир ювилмаган чойшабдан норозилигини билдириб, уни итариб юборган. Яир Нетаняхунинг ўзи эса ушбу айбловларни рад этиб, уларни "товламачилик мақсадидаги фитна" деб атаган.

Шунингдек, қароргоҳ ходимлари меҳнат мезонларига зид равишда узоқ вақт ишлашга мажбур қилинган. Гувоҳ биргина октябр ойида 169 соат, ноябрда эса 143 соат сменадан ташқари ишлаганини маълум қилди. Исроил бош вазири офиси ушбу айбловларни "асоссиз" деб атади ҳамда собиқ ходим ўз вазифаларини бажармагани учун ишдан бўшатилганини билдирди.