Муҳаммад Салоҳнинг навбатдаги жамоаси маълум бўлди

Муҳаммад Салоҳнинг янги клуби аниқ бўлди

Туркиянинг “Трабзонспор” футбол клуби Англиянинг “Ливерпул” жамоасининг собиқ ҳужумчиси Муҳаммад Салоҳ билан трансфер борасида келишувга эришди. Бу ҳақда Ҳурриет нашри маълум қилди.

Манбанинг хабар беришича, Салоҳ эртага, 5-август, чоршанба куни Трабзон шаҳрига етиб келади. Футболчи билан 2 йиллик шартнома имзоланиши кутилмоқда, унинг йиллик маоши 17 миллион еврони ташкил этади.

Туркия матбуоти ушбу трансферни “Трабзонспор” тарихидаги энг қиммат келишув деб баҳоламоқда.

34 ёшли Муҳаммад Салоҳ 2017-йил ёзидан 2025-йилгача “Ливерпул” сафида ўйнаган ва ўтган мавсум якунида клубни тарк этган эди. У мерсисайдликлар таркибида барча мусобақаларда 442 та ўйин ўтказиб, 257 та гол урган ва 123 та голли узатмага муаллифлик қилган.

Мисрлик ҳужумчи “Ливерпул” тарихидаги энг яхши тўпурарлар рўйхатида учинчи ўринни эгаллаб турибди. У фақат уелслик ҳужумчи Иан Раш (339 гол) ва англиялик форвард Рожер Хантдан (280 гол) кейинда жойлашган.

Салоҳ “Ливерпул” билан бирга Англия чемпионлиги, УЕФА Чемпионлар Лигаси, Англия Кубоги, Англия Суперкубоги, УЕФА Суперкубоги, Клублар ўртасидаги Жаҳон чемпионати ғолиби бўлган, шунингдек, икки марта Англия Лига Кубогини қўлга киритган.